Elizabeth (filma)

Elizabeth (euskaraz Elisabet) 1998ko Shekhar Kapur indiar zinema zuzendariaren biografia filma bat da. Izenburuak ongi adierazten duen bezala Elisabet I.a Ingalaterrakoari buruzko filma da. Cate Blanchett, Geoffrey Rush, Christopher Eccleston, Joseph Fiennes, John Gielgud, Richard Attenborough eta Kenny Doughty aktoreek antzeztu zuten.

Cate Blanchett aktoreak filma honetan burututako antzezpen bikaina oso txalotua eta goraipatua izan zen, sari ugari irabazi zituelarik.

Zazpi Oscar Sarietarako izendapenak jaso eta Makillaje onenaren Oscar Saria (Jenny Shircore) irabazi zuen. Hamabi BAFTA Sarien izendapenak jaso eta sei irabazi zituen. Hiru Urrezko Globo Sarietarako izendapenak ere jaso eta Emakumezko aktore onenaren drama filmako Urrezko Globo Saria (Cate Blanchett) irabazi zuen. Mundu osoko Zinemaldietan ere sari ugari bereganatu zituen.

Argumentua

1558, Ingalaterra. Maria Tudor (Kathy Burke) erreginaren heriotzaren ondoren Ingalaterrako Erresuma ezegorkortasun ekonomiko eta erlijio liskar egoeran gelditu da, une hartantxe Elisabet I.a (Cate Blanchett) tronura igotzen delarik. Herri hizkeran "Erregin Birjina" ezizenez ezaguna, nahiz eta Francis Drake itsasgizonak Espainiar Inperioko kostaldeak harpilatu ondoren jasotako diru eta altxorrak bere eskuetara iritsi zirenetik bere etsaiek eta bereziki espainiarrek "Erregin Pirata" deitu izan. Ingalaterrako erregin eta monarka garrantzitsuenetako bat bilakatu zen, bere erreginaldian herrialde hark urrezko aroa bizitu izan baizuen.

Aktoreak

• Cate Blanchett: Elisabet I.a Ingalaterrakoa
• Geoffrey Rush: Francis Walsingham
• Joseph Fiennes: Robert Dudley, Leicesterreko 1. kondea
• Richard Attenborough: William Cecil, Burghleyko 1. baroia
• Christopher Eccleston: Thomas Howard, Norfolkeko 4. dukea
• Kathy Burke: Maria I.a Eskoziakoa
• Fanny Ardant: Marya Guisekoa
• Vincent Cassel: Henrike III.a Frantziakoa
• Emily Mortimer: Kat Ashley
• Kelly Macdonald: Isabel Knollys
• John Gielgud: Pio V.a Aitasantua
• Daniel Craig: John Ballard
• James Frain: Álvaro de la Quadra
• George Yiasoumi: Filipe II.a Espainiakoa
• Edward Hardwicke: Henry FitzAlan, Arundeleko 19. kondeea
• Kenny Doughty: Thomas Elyot
• Terence Rigby: Stephen Gardiner apezpikua
• Angus Deayton: Waad, Ogasun kantzilerra
• Eric Cantona: Foixeko Jauna
• Alfie Allen: Arundelen semea

Kanpo loturak

• Elizabeth filmaren IMDBko fitxa irakurgai (Ingelesez)
• Elizabeth filmaren trailer edo iragarkia ikusgai. Youtube.com (Ingelesez)