The Jungle Book (1967ko filma)

Oihaneko liburua, marrazki bizidunak generoko film estatubatuar bat da, Disney estudioek 1967.ean ekoiztua. Rudyard Kiplingen Oihaneko liburua liburuko kontaketetan oinarritzen da (jatorrizkoan, The Jungle Book) eta protagonista Mowgli da, haur basati bat.

Filma Estatu Batuetan estreinatu zen 1967ko urriaren 18an, Disney-ren hemeretzigarren film luzea izan zen, Walt Disneyk zuzenean ekoiztu zuen azkena, hura egiten ari zela hil baitzen. Robert B.Sherman eta Richard M. Sherman anaiek sortu zituzten filmeko bost abesti baina haietako bat Terry Gilkyson-ek idatzi zuen. Musika George Brunsek ondu zuten.

Kipling-en liburuaren azala.

Argumentua

Mowgli ume txiki bat da, Bagheera panterak basoan galduta aurkitu duena. Bagheerak otseme batzuen kargu utzi du, zain dezaten. Urte batzuk geroago, Shere Kan tigrea oihanera itzuli denean, otsemeen taldeak erabaki du ezin dutela haren ardura hartu, tigre beldurgarriari aurre ez egitearren. Beraz, Bagheerak gizonen herrixkara eraman behar du, baina bidean arazoak dituzte: lehen gauean, Kaa sugea saiatu da Mowgli jaten, hipnotizatu eta gero. Gero, Baloo hartza aurkitu eta hark Mowgli semetzat hartu du, Bagheeraren desesperaziorako. Louik, tximinoen erregeak, Mowgli harrapatu du, suaren sekretua erakuts diezaion. Tximinoen taldetik salbatu ondoren, Balook gizakiengana eramateko erabakia hartu du, da, baina Mowglik alde egin du eta saiekin eta Shere Kanekin topo egin du; harekin borrokatu eta alde eragiten dio, sua erabiliz eta saien eta Balooren laguntzaz. Azkenean, Mowgli herrixkara joan da, ibaian ikusten duen neskato batek piztu dion maitasuna dela eta.

Ondorioa

Filmaren arrakastagatik, 2003an Disney-k Oihaneko liburua bi estreinatu zuen.

Sariak

Oscar sariak

Urtea	Kategoria	Filma	Emaitza
1967	Jatorrizko abesti onenaren Oscar Saria The Bare Necessities	Terry Gilkyson	Izendatua