Bernard Lyot

Wikipedia, Entziklopedia askea
Hona jauzi: nabigazioa, Bilatu
Bernard Lyot
Bizitza
Jaiotza Paris1897ko otsailaren 27a
Herrialdea  Frantzia
Heriotza Kairo1952ko apirilaren 2a (55 urte)
Hezkuntza
Heziketa Parisko Unibertsitatea
Lanbidea
Lanbidea astronomoa
Enplegatzailea(k) Parisko Behatokia
Jasotako sariak
Nominazioak
Kidetza Frantziako Zientzien Akademia
Bernard Lyot teleskopioa, Pic du Midi mendian.

Bernard Lyot (Paris, Frantzia, 1897ko otsailaren 27a - Kairo, Egipto, 1952ko apirilaren 2a) frantses ingeniaria izan zen.

Biografia[aldatu | aldatu iturburu kodea]

Parisen ingeniaritza-ikasketak egin ondoren, Alfred Pérot fisikariaren laguntzaile gisa lanean hasi zen Parisko Eskola Politeknikoan. 1920-1952 bitarteko urteetan, Meudon Behatokian lan egin zuen (1926an, Parisko Behatokiaren barneko sail egin zuten Meudongoa).

Optikan aditua zen Lyot, eta planeten argi-islen polarizazioa ikertzeko ahalmen handiko polariskopioa eraiki zuen. Pic du Midi mendian hainbat behaketa egin zituen, eta behaketa haien bidez ondorioztatu zuen Ilargiaren gainaldeak sumendi-hautsaren modura jokatzen duela, eta Marten harea-ekaitzak gertatzen direla.

Lyoten ikerketa garrantzitsuenak, dena dela, koronografoa asmatzeko egindakoak izan ziren; tresna horri esker, eklipserik ez denean Eguzkiaren koroa ikertzeko aukera du ikertzaileak. Lyotek lerro espektral berriak aurkitu zituen Eguzkiaren koroan, eta Eguzkiaren irtenguneen irudiak filmatu zituen lehenengo aldiz.

Erreferentziak[aldatu | aldatu iturburu kodea]