Burj Al Arab

Koordenatuak: 25°08′29″N 55°11′07″E / 25.1414°N 55.1853°E / 25.1414; 55.1853
Wikipedia, Entziklopedia askea
Burj Al Arab
Kokapena
Estatu burujabe Arabiar Emirerri Batuak
Arabiar Emirerri Batuetako emirerriDubai
HiriaDubai
Koordenatuak25°08′29″N 55°11′07″E / 25.1414°N 55.1853°E / 25.1414; 55.1853
Map
Historia eta erabilera
Irekiera1999
Inaugurazioa1999ko abenduaren 1a
JabeaJumeirah (en) Itzuli
Arkitektura
ArkitektoaTom Wright (en) Itzuli
Egitura ingeniaritzaAtkins (en) Itzuli
Estiloahigh-tech architecture (en) Itzuli
arkitektura postmodernoa
Dimentsioak321 (altuera) m
Solairuak56
Lurrazpian3
20
Webgune ofiziala

Burj Al Arab dorrea (arabieraz برج العرب "Arabiarren Dorrea") Arabiar Emirerri Batuetako Dubai hirian dagoen luxuzko hotel bat da. Hotelaren jabea Jumeirah taldea da eta Said Khalilek eraiki zuen. Estrukturak itsasontzi baten belaren itxura du.

Eraikina hondartzaren ondoan eraikitako irla artifizial batean kokatzen da. Dorreak 321 metroko altuera dauka eta 60 solairu ditu; munduko hotel handienetarikoa da, nahiz eta bere altuera guztiaren %39ak erabilerarik ez izan[1]. Dorrearen azken solairuan, 210 metroko altueran, helikopteroak aireratzeko pista dago.

Diseinua eta eraikuntza[aldatu | aldatu iturburu kodea]

Burj Al Arab hotela Atkins aholkularitza enpresak diseinatu zuen, Tom Wright arkitektoaren gidaritzapean. Diseinua eta eraikuntza Rick Gregory ingeniari-enpresa kanadarrak kudeatu zituen. Uharte artifizialaren eraikuntza 1994an hasi zen eta 2.000 langilek hartu zuten parte. Belaontzi baten belaren antza izateko eraiki zen. V eran zabaltzen dira bi "hego", "masta" zabal bat osatuz. Haien arteko espazioa atari erraldoi batek betetzen du.

Murray & Roberts Hegoafrikako eraikuntza kontratistak eraiki zuen hotela. Barne-diseinuak KCA enpresako Khuan Chew-ek eta John Coralan-ek burutu zituzten eta Arabiar Emirerri Batuetako Depa Group-ek gauzatu zituen.

Eraikina 1999ko abenduaren 1ean zabaldu zen.[2]

Hotelaren heliportua Rebecca Gernon irlandar arkitektoak diseinatu zuen. Heliportua eraikinaren 59. solairuaren gainean dago, eta erabilera ugari izan ditu: auto-lasterketa-pista, boxeo-ringa, tenis-pista edota historiako kite surf jauzirik altuena egiteko jauzi-puntu gisa ere erabili izan da.

Ezaugarriak[aldatu | aldatu iturburu kodea]

Ingeniaritza-lan konplexua izan zen hotelaren eraikuntza. Esaterako, hotela itsasertzean eraikitako 280 m-ko uharte artifizial batean dago. Zimendu egokiak ziurtatzeko, enpresa eraikitzaileak 40 metroko luzerako hormigoizko 230 pila sartu zituzten hondarrean. Jarraian harritzarrez osatutako lur gainazaleko geruza bat sortu zuten zimenduak higaduratik babesteko. Hiru urteko lana eman zuen itsasoari lurra berreskuratzeak, eta hiru urte baino gutxiago behar izan ziren eraikina bera eraikitzeko. Eraikinak 70.000 m3 hormigoi baino gehiago eta 9.000 tona altzairu ditu.

Eraikinaren altuera kontuan hartuta, Burj Al Arab munduko bosgarren hotelik altuena da Gevora Hotel, JW Marriott Marquis Dubai, Four Seasons Place Kuala Lumpur eta Rose Rayhaan atzetik. Aldiz, erabilera mistoko eraikinak zerrendatik kenduta, Burj Al Arab munduko hirugarren hotelik altuena da. Rose Rayhaan-en egitura, hau ere Dubain, 333 metrokoa da, Burj Al Arab baino 12 m altuagoa.

Nabarmentzeko ekitaldiak[aldatu | aldatu iturburu kodea]

Heliportua

Hedabideen arreta erakartzeko hainbat ekintza antolatu dira lurretik 210 metrotara dagoen heliportuan. Besteak beste:

Erreferentziak[aldatu | aldatu iturburu kodea]

  1. «Report names and shames vanity skyscrapers with unnecessary spires (Wired UK)» web.archive.org 2013-11-15 (Noiz kontsultatua: 2022-01-24).

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]


Aurrekoa:

Dubai World Trade Centre

Burj Al Arab
Dubaiko etxe orratzik garaiena
(1999 - 2000)
Ondorengoa:

Emirates Office Tower