Burtzeña

Burtzeña
Euskal Herria
Burtzeñako zubia, Aurelio Arteta (1926 inguruan).
Kokapena
Herrialdea	Bizkaia
Udalerria	Barakaldo
Geografia
Koordenatuak	43°16′46″N 2°58′39″W

Burtzeña (gaztelaniaz: Burceña) Barakaldoko 8. barrutiko auzoa da, Lutxana eta Llanorekin batera. Barakaldoko hegoaldean dago. Barakaldoko Gurutzeta eta Lutxanaz gain, Cadagua ibaiaren beste aldeko Zorrotzarekin ere muga egiten du (azken hau Bilboko auzoa da). Pentsatzen da XIX. mende amaieran edo geroago galduko zela euskara.

Auzoaren ezaugarriak

Burtzeña Barakaldoko tradizio industriala mantentzen duen auzo bakanetakoa da, Mebusa edo Gruber bezalako enpresa tradizionalekin. Auzoaren lur gehiena industria jarduerek hartzen dute beraz. Dena den, etxebizitza batzuk ageri dira Zorrotza eta Gurutzetako errepidearen ondoan eta Juan de Garai etorbidean zehar.

2004an, udalak auzoaren berritze prozesuari ekin zion. Proiektu berriak proposatu dira, horietako bat, Bizkaiko Foru Aldundiak eraiki nahi duen Bilbo Handiko enpresa parkerik handiena, . Enpresa parkea eraikitzen hasi aurretik, Iberdrolak 1940ko hamarkadan eraiki zuen zentral termikoa eraitsi behar izan zen. Gaur egun, udala eta foru aldundiaren arteko desadostasunak direla eta, proiektuaren eraikuntza etenda dago.

Ondasun nabarmenak

• Pablo Alzola jaunaren burdinazko zubia
• FESA pabiloia

Ikus, gainera

• Barakaldoren berritzea

Kanpo estekak

• Datuak: Q8253670
• Multimedia: Burtzeña / Q8253670