Edukira joan

Camila Kater

Wikipedia, Entziklopedia askea
Camila Kater
Bizitza
JaiotzaSão Paulo, 1990eko apirilaren 21a (34 urte)
Herrialdea Brasil
Hezkuntza
HeziketaUniversity of Campinas (en) Itzuli
Jarduerak
Jarduerakfilm-zuzendaria eta gidoilaria
IMDB: nm6260911 Edit the value on Wikidata

Camila Kater (São Paulo, Brasil, 1990eko apirilaren 21a) brasildar film-zuzendaria, gidoilaria eta animatzailea da. Carne izeneko film laburrari esker, mundu osoko sari eta jaialdietan arrakasta handia izan zuen.

Biografia[aldatu | aldatu iturburu kodea]

Camila Kater Komunikazio Zientzietako lizentziaduna da, Campinasko Estatuko Unibertsitatean (Unicamp). 2012an, Brasilgo gobernuaren Ciencia sin Fronteras programaren barruan, beka bat lortu zuen Anglia Ruskin unibertsitate britainiarrean (Cambridge) Zinema eta Telebista Ekoizpena ikasteko.[1]

Lan ibilbidea[aldatu | aldatu iturburu kodea]

Bere lanak ugariak dira, bai film laburretan bai animaziozko film luzeetan. Stop-motion izeneko iragarkien produkzioan lan egin zuen, animatzaile, arte-zuzendari eta film laburretan txotxongiloak sortzen, hala nola Apple, The Trial, Flirt, Unspeakable. Voyagers of the Enchanted Forest eta Bob Spit, We Don't Like People, film luzeetan hartu zuen parte, arte- eta animazio-laguntzaile gisa.

Kater Campinas Animation Film Centerren parte da, eta Brasilgo Mostras Animadas (LESMA) astearen sortzaileetako eta koordinatzaileetako bat da. Hiru edizio gutxienez egin zituen Unicam-en, besteak beste, MONSTRA (Lisboako Animazio Zinemaldia), ANIMAGE (Pernambucoko Nazioarteko Animazio Jaialdia) eta StopTrik Nazioarteko Jaialdia (Eslovenia, Polonia) jaialdien laguntzarekin.[2][3][4][5]

Carne (Flesh)[aldatu | aldatu iturburu kodea]

Carne izan zen bere lehen film laburra, eta horrekin jaso zuen aintzatespen handia. Carne, nazioartean Flesh izenez ezaguna, Espainiaren (Chelo Lourero, Abano Produccións) eta Brasilen (Livia Pérez, Doctela) artean egina dago Sofía Oriana Infantek konposatu zuen musika, eta gidoia Camila Kater eta Ana Julia Carvlheirorena da.

Kritikak esan zuenez, "Dokumental biziaren eta zinemako genero-ikuspegiak izan dezakeen bizigarriaren adibide bikaina" da, eta, horrez gain, haren edukiari dagokionez, "Carne lanak feminitatea ospatu eta aztertzen du bizitzaren ondorengo etapetan zehar. Gainera, beste azterketa bat aurkezten du emakumeen gorputzaren ikuskerei buruz pisatzen duten tabu beltzei buruz".[6][7] Carne lanean bost emakumeren historia eta gorputzarekin duten harremana kontatzen da, haurtzarotik hirugarren adinera.[8]

2019ko Locarnoko Nazioarteko Jaialdian estreinatu zen, eta, une horretatik aurrera, mundu osoko 300 zinema-jaialditarako hautatu zuten; besteak beste, TIFF, IDFA, DOK Leipzig, AFI, Palm Springs ShortFest-en, Annecy eta Tampere. 70 sari inguru jaso zituen.[9]

2021eko Goya Sarietarako hautagaien zerrendan egon zen Cárne, eta 2021eko Oscar Sarietarako ere bai.[9] Kandidatura iragarri ondoren, nazioarteko zinemagile eta feminista batzuk, besteak beste, Isabel Coixet zuzendaria, Alicie Braga aktore brasildarra eta B. Ruby Richek zinema estatubatuarraren kritikariak babesa eman zion film laburrari.[10][11]

Sariak eta aintzatespenak[aldatu | aldatu iturburu kodea]

Carne lanak sari ugari jaso zituen mundu osoan; besteak beste, honako hauek:

  • Locarnoko Pardi di domani ataleko Gazteen Epaimahaiaren Aipamen Berezia, Locarnoko Film Labur Onenaren Mikeldi saria,
  • ZINEBIko Film Labur Dokumental Onenaren Mikeldi saria (Oscarrerako kalifikatua), SEMINCIko film labur europar onena,
  • La Habanako Zinemaldiko Animazioko Film Laburrik Onena, Dokumental Labur Onenaren Zilarrezko Biznaga[12][13]
  • 2020ko Ann Arborko Zinemaldi Jaialdiko epaimahaiaren saria.[14][15]

Erreferentziak[aldatu | aldatu iturburu kodea]

  1. ↑ «University courses at ARU | Anglia Ruskin University - ARU» aru.ac.uk.
  2. ↑ Redação. (2018-10-23). «La Extraordinária Semana de Mostras Animadas – LESMA acontece de 26 e 28 de outubro em Campinas» Notícias Campinas.
  3. ↑ | Instituto de Artes. .
  4. ↑ Camila Kater – Agencia Freak. .
  5. ↑ Camila Kater en Filmin. .
  6. ↑ Laguna, Ray. 2019: Carne | Animación para adultos. .
  7. ↑ Mayorga, Emilio. (2020-06-20). «Brazilian Animator Camila Kater Confronts Female Aging In Debut ‘Carne’» Variety.
  8. ↑ «Carne» Abano Producións.
  9. ↑ a b «Camila Kater» IMDb.
  10. ↑ «‘Carne’, de Chelo Loureiro, recibe el apoyo de Coixet en busca del Oscar» www.elcorreogallego.es.
  11. ↑ Kater, Camila. (2021-01-12). Opinion | Why Is a Woman’s Body Always in Question?. ISSN 0362-4331..
  12. ↑ CatalunyaPress.es. «'Las niñas' y 'Blanco de verano', ganadoras de la Biznaga de Oro a las mejores películas de Málaga» Catalunyapress.
  13. ↑ Las mujeres ganadoras en la secciones de cortometrajes del 23 Festival de Málaga – CIMA – Asociación de mujeres cineastas y de medios audiovisuales. .
  14. ↑ «Carne, un cortometraje sobre las etapas del cuerpo femenino» Más Que Metraje.
  15. ↑ Lukasievicz, Mauro. Entrevista a Camila Kater, directora de Carne – Caligari. .

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Camila_Kater&oldid=9805227"(e)tik eskuratuta