Carlos Ciriza

Wikipedia, Entziklopedia askea
Jump to navigation Jump to search
Carlos Ciriza
Taller - Baja.JPG
Bizitza
Jaiotza Lizarra1964 (53/54 urte)
Herrialdea  Nafarroa Garaia, Euskal Herria
Hezkuntza
Hizkuntzak gaztelania
Jarduerak
Jarduerak eskultorea

Carlos Ciriza (Lizarra, 1964) Nafarroa Garaiko margolari eta eskultorea da. Familiako giroak bultzatuta, Iruñeko Arte Aplikatuen eta Arte Ofizioen Eskolan sartu zen. Gazterik pinturatik bideratu zuen bere artegintza, baina luze gabe eskulturan ere hasi zen lanean. 1984an hasi zen erakusketak egiten, eta Iruñean finkatu zen.[1]

Sendo heldu dio eskultura monumentalak egiteari. Zuretik eta harritik hasi eta, gero, bere estiloa borobiltzen eta zehazten joan zen, eta beste material batzuk moldatzen hasi, burdina batez ere. 30 urteko ibilbidean zaildu da eta hainbat sari irabazi ditu. Iruñeko Napardi Gastronomia Elkarteak hari 2017ko ekainean esleitutako sarian nabarmendu duenez, urte hauetan "bilaketa etengabe batean aritu da, materia, bolumen eta orekaren artean; bertan, espazioa geratzen da agerian XXI. mendeko funtsezko eta ezin besteko elementutzat".[2]

Bere formatu handiko eskulturak espazio publikoetan ikusten dira Nafarroan, batez ere errepide nagusietan, adibidez, Donejakue bideko Frantses Bide nagusian. Europan eta Amerikan ere sakabanatzen dira bere eskulturak eta, 2017an, Mexiko, Alemania eta Estatu Batuetako mandatuetan zebilen lanean.[3]

Erreferentziak[aldatu | aldatu iturburu kodea]

  1.   «Ciriza, Carlos - Auñamendi Eusko Entziklopedia», aunamendi.eusko-ikaskuntza.eus, http://aunamendi.eusko-ikaskuntza.eus/eu/ciriza-carlos/ar-27068/. Noiz kontsultatua: 2018-11-08  .
  2. (Gaztelaniaz)  NAIZ (2017-06-26), «El artista Carlos Ciriza, galardonado con el tradicional Gallico de Oro de Napardi», iruindarra.naiz.eus, https://iruindarra.naiz.eus/eu/info_iruindarra/20170626/el-artista-carlos-ciriza-galardonado-con-el-tradicional-gallico-de-oro-de-napardi. Noiz kontsultatua: 2018-11-08  .
  3. (Gaztelaniaz)  NAIZ (2017-06-26), «El artista Carlos Ciriza, galardonado con el tradicional Gallico de Oro de Napardi», iruindarra.naiz.eus, https://iruindarra.naiz.eus/eu/info_iruindarra/20170626/el-artista-carlos-ciriza-galardonado-con-el-tradicional-gallico-de-oro-de-napardi. Noiz kontsultatua: 2018-11-08  .

Galeria[aldatu | aldatu iturburu kodea]

Ikus, gainera[aldatu | aldatu iturburu kodea]