Chapeau el "esmirriau"
| Chapeau el "esmirriau" | |
|---|---|
| Jatorria | |
| Egilea(k) | Francisco Ibáñez |
| Izenburua | Chapeau el "esmirriau" |
| Jatorrizko herrialdea | Espainia |
| Argitaletxea | Editorial Bruguera |
| Ezaugarriak | |
| Genero artistikoa | Umore grafikoa |
| Hizkuntza | gaztelania |
| Telesaila | Mortadelo eta Filemon |
| Emanaldia | |
| Hasiera-data | 1970 |
Chapeau el "esmirriau" (gaztelaniaz) Mortadelo eta Filemonen seigarren abentura luzea da, Francisco Ibáñez kataluniar komikigileak idatzi eta marraztua.
Istorioa
[aldatu | aldatu iturburu kodea]Superrak Mortadelo eta Filemonen zaintzapean uzten du oso antzinakoa eta baliotsua den txanpon bat.
Alabaina, kutxa gotorrean utzi bezain pronto, Chapeau el esmirriauk, bertatik edozein gauza, pertsona edo animali irten daitekeen kapela harrigarri bat duen tipo baxu bat dena, txanpona lapurtu egiten du.
Mortadelo eta Filemonek Chapeauri eta honen kapelari aurre egin beharko diote, kapelak, bere barnean, agenteen zain dauden trikimailu ugari dituelarik. Milioika plan egiten dituzte bi agenteek, baina kapelak edo Mortadeloren axolagabekeriak beti zapuzten dituzte txanpona berreskuratzeko saiakerak. Azkenean, Mortadelok, kapelak detektatzen ez duen ezkutatutako misil bat jaurtitzen dion arte, txanpona berreskuratzea lortuz.
Azkenean, bazirudien txanpona Bacterio profesorearena zela, eta soilik makina banatzaile bati ziria sartu eta hala tabakoa dohain erosteko baino balio ez zuela. Filemonek, txanpon horrek sufriarazi zionagatik haserre, Bacterio bolborazko zigarro bat "erretzera" behartzen du, Mortadelok heldu egiten dion arren.
Beste medio batzuetan
[aldatu | aldatu iturburu kodea]- Hezur eta haragizko aktoreekin eginiko La gran aventura de Mortadelo y Filemón filmean Superraren deskapotablea suntsitzen dute, komikian ere gertatzen dena.
- Aurreko filmearen jarraipena den Mortadelo y Filemón: Misión salvar la Tierra filmean kapela daraman edonor erasotzen duen zakur bat agertzen da, komikian bezala (komikian Mortadelok Chapeau atxilotzeko entrenatu zuen arren).
| Aurrekoa La historia de Mortadelo y Filemón |
Mortadelo eta Filemonen abenturak 1971 |
Ondorengoa La caja de los diez cerrojos |