La caja de los diez cerrojos

La caja de los diez cerrojos
Jatorria
Egilea(k)	Francisco Ibáñez
Izenburua	La caja de los diez cerrojos
Jatorrizko herrialdea	Espainia
Argitaletxea	Editorial Bruguera
Ezaugarriak
Genero artistikoa	umorezko komikiak
Hizkuntza	gaztelania
Telesaila	Mortadelo eta Filemon
Emanaldia
Hasiera-data	1971

La caja de los diez cerrojos Francisco Ibáñezen pertsonaiarik ezagunenak diren Mortadelo eta Filemonen abentura bat da, 1971n idatzi eta marraztua.

Argitalpen ibilbidea

Komikia lehen aldiz sail eran Mortadelo aldizkarian argitaratu zen 20. zenbakitik (1971ko apirilak 12) 30.erarte (1971ko ekainak 14). Beranduago, bilduma formatuan argitaratu zen Ases del Humor bildumako 11. zenbakian, Colección Oléren 102. zenbakian eta Súper Humorren 21. zenbakiko komikietako bat da.

Istorioa

Mortadelo eta Filemonek kutxa gotor bat irekitzen duten hamar giltzak aurkitu behar dituzte.

Oraingo honetan, Mortadelo eta Filemonek kutxa gogor bat ireki behar dute, honen barnean dagoenean milioidun batek bere diru guztia erabili zuelarik. T.I.Ako agenteek ez dakite kutxa gotorraren barnean dagoen gauza baliotsu hori zer izan daitekeen. Kutxa blindatua dago, eta beraz, ezin da ireki hamar sailarraren bidez izan ezik, horiek irekitzen dituzten giltzak munduko tokirik pentsaezinenetan daudelarik, Kongotik hasi eta Ilargiraino, honen ondorioz, agenteek giltzak banan-banan berreskuratu behar izango dituztelarik.

Azkenean, kutxatik, ustekabean, txotxongilo erraldoi bat airean irtetzen da, eta beraz, guztia adarjotze bat izan dela ustez, haserretuta kutxa itsasora botatzen dute. Azken biñetak itsas hondoan dagoen kutxa erakusten du hautsitako txotxongiloaren buruarekin, honek, barnean, ohartu ez ziren diamante erraldoi bat zuelarik.

Eragina eta ondarea

Hipopotamo batzuen gainetik harriekin nahastuz igarotzearen gaga 1956an Spirou eta Fantasioren Le gorille a bonne mine) (Mina eta gorila) komikian agertu zen.

Komiki honetan ikusten da lehen aldiz Mortadelo eta Filemonen ondorengo abenturetan errepikatuko den eskema bat; agenteek toki ezberdinetan hamar MacGuffin berreskuratu behar izatearena. Teknika honen beste adibide batzuk Los diamantes de la gran duquesa (1972), El plano de Alí-gusa-no (1974) edo El caso del calcetín (1976) dira.

Telebistako 50 x 15 lehiaketan 50 milioi pezetak irabazi zituen lehiakide bakarrak azken galderetako bat asmatu zuen, hotentoteak nortzuk ziren zioena, komiki honetan bibotedun tipo horiek hotentote aurpegia dute pasahitza irakurri izanari esker.

Beste medio batzuetan

Hezur eta haragizko aktoreekin eginiko La gran aventura de Mortadelo y Filemón filmean Superra zurezko zaldi baten gainean jarria ikus daiteke, komikian bezala.

Aurrekoa Chapeau el "esmirriau"

Mortadelo eta Filemonen abenturak 1971

Ondorengoa Magín el mago

Kanpo estekak

• Datuak: Q3753105