Charco Verde

Charco Verde
Mota	itsasertzeko urmael
Geografia
Koordenatuak	28°58′36″N 13°49′40″W
Estatu burujabe	Espainia
Autonomia	Kanariak
Probintzia	Las Palmas
Udalerria	Yaiza
Leku geografikoa	Lanzarote

Charco Verde (euskaraz: «putzu berde») edo Charco de los Clicos (euskaraz: «txirlen putzua») Lanzaroteko Sumendien Parke Naturalean dagoen aintzira bat da.

Ezaugarriak

El Charco de Los Clícosek, bere urak dituen sufreaz gain, bere barnean bizi den ruppia maritima espezieko alga motagatik bere tonu berdexka hartu du.

Aintzira, Timanfayako Parke Nazionala inguratzen duen Sumendien Parke Naturalaren barnean eta bere unitate geomorfologikoan dago. Ertzean krater bolkaniko bati dagokion lursailaren goragune bat dago. Krater horren azken erupzioa XVIII. mendekoa da, eta mendebaldeko ertzean harea-beltzezko hondartza bat dago, olibinoa duena.

Aintzira, gutxi gorabehera, Ozeano Atlantikotik 100 metrora dago, eta honekin lur azpiko iragazketen bidez konektatuta. Iparraldean begiratoki bat dago, 50 metro inguruko aparkaleku batetik sar daitekeena.

Aintzira dagoen hondartza legarrezkoa da eta 320 metroko luzera eta 30 metroko batez besteko zabalera ditu. Itsas pasealekurik ez duenez eta isolatuta dagoenez, okupazio-maila baxua du; gainera, dagoen eremuan itsas-korronte handiak daude. Bertara ailegatzeko oinez irten behar da El Golfotik.

Zinema

Bertan zenbait film grabatu dituzte:

• Los abrazos rotos (2009), Pedro Almodóvarrena.
• One Million Years B.C. (1966), Don Chaffeyrena.
• Enemy Mine (1985), Wolfgang Petersenena.

Kanpo estekak

• Datuak: Q16539298
• Multimedia: Charco de los Clicos / Q16539298