Charles Horton Cooley

Wikipedia, Entziklopedia askea
Charles Horton Cooley
CharlesCooley.jpg
Bizitza
JaiotzaAnn Arbor1864ko abuztuaren 17a
Herrialdea Ameriketako Estatu Batuak
HeriotzaAnn Arbor1929ko maiatzaren 8a (64 urte)
Heriotza moduaberezko heriotza: minbizia
Hezkuntza
HeziketaUniversity of Michigan College of Literature, Science, and the Arts (en) Itzuli
Hezkuntza-mailaPh.D.a
Hizkuntzakingelesa
Jarduerak
Jardueraksoziologoa eta ekonomialaria
Enplegatzailea(k)Michigango Unibertsitatea

Find a Grave: 40394602 Edit the value on Wikidata

Charles Horton Cooley (Ann Arbor, Michigan, 1864ko abuztuaren 17a - Ann Arbor, Michigan,1929ko maiatzaren 7a) pragmatismo eta elkarrekintza sinboliko izeneko korronteei lotutako soziologo estatubatuarra izan zen. Bere idazkietan soziologo alemanen eragina oso garrantzitsua zen.[1]

Berarentzat, gizabanakoa eta gizartea errealitate sozial bakar baten bi aurpegiak dira: gizabanakoa ez da existitzen gizarterik gabe, eta era berean, gizartea bera ez da existitzen gizabanakorik gabe.

Haren arabera, Nia (nortasuna, «Self») besteekiko izaten diren gizarte-harremanen bitartez eratzen da. Norbait izatearen sentimendua gizarte-harreman bitartez tenkatzen da. Besteak dira gu egiten gaituztena, gu garena egiten dutenak. Ispilu-nortasun irudia («looking glass self») besteen begiradapean eraikitzen da. Cooley-k honi «adskripziozko identitatea» deitu zion[2]. Kontzeptu hau George Herbert Mead-ek ere bereganatuko zuen eta elkarren artean garatu zuten[3].

Cooley-ren iritziz, bere «Human Nature and the Social Order»(1902) lanean jasoa, «looking glass self» delakoak hiru paso lituzke:

  • Beste pertsonaren aurrean nola agertu imajinatzea.
  • Beste pertsonaren epaiketa edo balorapena imajinatzea.
  • Harrotasun, zoriontasun, erruduntasun edo lotsa sentimendu motaren bat sentitzea[4].

William James-en iritzia jarraituz, Norbere ispilu-irudiaren edo «looking glass self» kontzeptua "norbera eta kanpo gizarte-munduaren arteko banaketa Kartesiarra"rekin hausturarekin lotzen da. Cooley-k gizabanakoa eta gizartearen artean eraikitako banaketa Kartesiarra hautsi nahi izan zuen[5].

Cooley-ren "ispilu-nortasun irudia" kontzeptuaren irudikapena da. Gizabanako bat agertzen da erdian eta irudi bana islatzen duten lau ispiluren aurrean dago. Ispiluek pertsona berarekiko besteek duten irudi desberdinak adierazten dituzte

Erreferentziak[aldatu | aldatu iturburu kodea]

  1. López-Escobar, Esteban; Breeze, Ruth. (2015). «Schäffle and Cooley on Public Opinion» Publizistik und gesellschaftliche Verantwortung (Springer Fachmedien Wiesbaden): 215–226. ISBN 978-3-658-04703-0. (Noiz kontsultatua: 2020-06-02).
  2. HORTON, P.B. eta HUNT, C..: Soziologia. EHU. Bilbo. 1994.
  3. Ritzer, George: Teoría sociológica clásica. McGraw-Hill. Madril. 1993. 55.orr.
  4. Mann, Doug: Understanding society : a survey of modern social theory, Oxford University Press. 2007.183. orr. ISBN 978-0-19-542184-2
  5. https://web.archive.org/web/20141013195704/http://www.bolenderinitiatives.com/sociology/charles-horton-cooley-1864-1929/

Kanpo estekak[aldatu | aldatu iturburu kodea]