Concepción Bona

Concepción Bona
Bizitza
Jaiotza	Santo Domingo, 1824ko abenduaren 6a
Herrialdea	Dominikar Errepublika
Heriotza	Santo Domingo, 1901eko uztailaren 2a (76 urte)
Familia
Familia	ikusi Pedro Alejandro Pina (en) (izter-lehengusu);
Jarduerak
Jarduerak	hezitzailea
Lan nabarmenak	ikusi flag of Dominican Republic (en) ;

María de la Concepción Bona y Hernández (Santo Domingo, Dominikar Errepublika, 1824ko abenduaren 6a –Ib. 1901eko uztailaren 2a) hezitzailea izan zen bere lehengusu Pedro Alejandrino Pina Garcíak zuzentzen zuen eskolan eta XIX. mendeko ekintzaile dominikarra; María Trinidad Sánchez, Isabel Sosak eta María de Jesús aberriaren amekin batera dominikar lehen bandera egin zuen.^[1]^[2]^[3]^[4]

Santo Domingoko metroko 2. lineako geltoki batek Concepción Bona izena du bere omenez.^[5]

Biografia[aldatu | aldatu iturburu kodea]

Concepción Bona, Vicente Ignacio Bona Pérezen alaba zen 1844ko urtarrilaren 16ko Manifestuaren sinatzaileetako batena (1800 – 1844), eta Juana de Dios Hernández izan zuen ama, Josefa Brea Hernándezen lehengusina zena, Ramón Mella patrizioaren emaztearena.

Jean Pierre Boyer Dominikar lurraldeaz jabetu zenean, 1822an, talka politiko eta kulturala gertatu zen bi herrialdeen artean, haitiarrek afrikar oinarri kulturala baitzuten eta dominikar herria beste era batera hezia zen, oinarri kultural hispaniarrean. Hori zela eta, errepresio militarizatua ezarri zitzaien, Gerónimo de Borgelláren ardurapean, zein Dominikar Errepublikako zerbitzu militarrerako gazteak errekrutatzeaz arduratu zen.

Concepción Bona, Juan Pablo Duarteren ideia abertzaleei jarraitzen zien kausari erabat atxikitako familia batean hazi zen. Gazte ausarta, familiarekin baldintzarik gabe integratu zen Trinitarioen ideietan; beraz, María de Jesús Pina lehengusuarekin, Isabel Sosarekin eta María Trinidad Sánchezekin batera, hiru koloreko bandera egin zuen, independentistek 1844ko otsailaren 27an Kondearen Atean jarri zutena.^[3]^[4]^[2] Concepción Bonak 19 urte zituen eta lehengusuak 16.

Dominikar historialarien arabera, berak eman zion Josefa Brea Hernández lehengusuaren senarrari, Ramón Matias Mella aberriaren jeneralari, La Misericordiako atean. Urte horretako otsailaren 27an, eguzkia ateratzen zenean, Bona eta María Trinidad Sánchezek egindako hiru koloreko bandera ikusi zen, eta Dominikar Errepublika sortu.

Bona 1851ko ekainaren 2an ezkondu zen Marcos Gómez eta Carvajalekin, Baniko oriundoarekin. Ezkontza horretatik sei seme-alaba jaio ziren: Marcos Antonio, Manuel de Jesús, Eloísa, Rafael María, José María eta José María.^[2]

Concepción Bona 1901eko uztailaren 2an hil zen Santo Domingon. Haren gorpuzkiak Panteoi Nazionalean lurperatuta daude.^[2]

Erreferentziak[aldatu | aldatu iturburu kodea]

↑ Concepción Bona. .
↑ ^a ^b ^c ^d Ángela Peña. Concepción Bona. .
↑ ^a ^b Origen y evolución de la bandera dominicana - Periódico Digital Dominicano - 7días.com.do. .
↑ ^a ^b Bandera Nacional - Presidencia de la República Dominicana. .
↑ Diario, Listin. (19 de julio de 2018). Estaciones de línea 2 del Metro llevarán nombres de mujeres destacadas; se descarta el de Juan de los Santos. .

Kanpo estekak[aldatu | aldatu iturburu kodea]

Datuak: Q5780875

[Concepción_Bona-1] Concepción Bona. .

[Concepción_Bona_Hoy-2] Ángela Peña. Concepción Bona. .

[7días.com.do-3] Origen y evolución de la bandera dominicana - Periódico Digital Dominicano - 7días.com.do. .

[Presidencia_de_la_República_Dominicana-4] Bandera Nacional - Presidencia de la República Dominicana. .

[5] Diario, Listin. (19 de julio de 2018). Estaciones de línea 2 del Metro llevarán nombres de mujeres destacadas; se descarta el de Juan de los Santos. .

[1]

[2]

[3]

[4]

[5]