David Malouf

David Malouf
	; (2019) Irudi gehiago
Bizitza
Jaiotza	Brisbane, 1934ko martxoaren 20a (90 urte)
Herrialdea	Australia
Hezkuntza
Heziketa	Queenslandeko Unibertsitatea ; Brisbane Grammar School (en)
Hizkuntzak	ingelesa
Jarduerak
Jarduerak	idazlea, eleberrigilea, poeta, libretista, antzerkigilea eta ipuingilea
Enplegatzailea(k)	Sydneyko Unibertsitatea
Jasotako sariak	ikusi Commonwealth Writers' Prize ; Nazioarteko Femina saria (1991) ; Miles Franklin Literary Award (1991) : The Great World (en) ; Neustadt International Prize for Literature (2000) ; Australian National Living Treasure ; Fellow of the Royal Society of Literature ; honorary doctor of the University of Sydney ; Fellow of the Australian Academy of the Humanities (1989) ; Christina Stead Prize for Fiction (1979) ; Christina Stead Prize for Fiction (1993) ;
Kidetza	Errege Literatura Elkartea
Genero artistikoa	olerkigintza

David Malouf (Brisbane, Australia, 1934) ingelesezko idazlea da.

Bizitza

Aita Libanokoa zuen, eta ama ingelesa. Unibertsitateko ikasketak Europan amaitzeko aukera izan zuen. Britainia Handia eta Italia ezagutu ondoren, Australiara itzuli zen 1968an, eta Sydneyn gelditu zen zenbait urtez. Hiri horretako unibertsitatean hasi zen lanean ingeles hizkuntzako irakasle. Baina 1977an Italiara joan zen berriz ere, eta han hartu zuen bizilekua.

Maloufek literatura-genero guztiak ezagutzen ditu; kontakizun laburrak, antzerki-lanak, poemak eta eleberriak idatzi ditu. Lehenengo lana poema-liburu bat izan zen, Bizikleta eta beste poemak (1970), eta ondoren egin zituen, genero lirikoaren barruan, Lehenengo eta azkeneko gauzak (1980), Sasiko limoiak (1981) eta Poema berriak eta hautatuak.

Hala ere, ospea eleberriekin lortu zuen. Lehenengo eleberria 1975ean argitaratu zuen, Johnno, eta ondoren etorri ziren Irudizko bizitza bat (1978), Peterren ihesa (1982) eta Mundu bikain bat (1990). Elkarren oso desberdinak diren bi herrialderen arteko desberdintasunak, Australia eta Europaren artekoak hain zuzen, eta herrialde horietako bizimoduak dira Maloufen lanen oinarri nagusiak. Bestalde, lehenaldiaren eta orainaldiaren arteko gorabeherek garrantzi handia dute bere lanetan. 1993an bere eleberria Remembering Babylon Booker sairako hautagaien artean egon zen. Eleberri horrek International IMPAC Dublin Literary Award delakoa irabazi zuen (1996), eta baita Commonwealth Writers Saria ere.

Liburuak

Bicycle and Other Poems, 1970
Neighbours in a Thicket: Poems, 1974
Johnno, eleberria, 1975
An Imaginary Life, eleberria, 1978
Wild Lemons: Poems, 1980
Fly Away Peter, eleberria, 1982
Child's Play, eleberria, 1982
Antipodes, ipuinak, 1983
Harland's Half Acre, eleberria, 1984
12 Edmondstone St, memoriak, 1985
Blood Relations, antzerkia, 1988
The Great World, eleberria, 1990
Remembering Babylon, eleberria, 1993
Selected Poems 1959-1989, 1994
The Conversations At Curlow Creek, eleberria, 1996
A Spirit of Play — Boyer Lectures, saiakera, 1998
Untold Tales, ipuinak, 1999
Dream Stuff, ipuinak, 2000
Made in Britain, saiakera, 2003
Every Move You Make, ipuinak, 2006
The Complete Stories, ipuinak, 2007
Guide to the Perplexed and Other Poems, 2007
Typewriter Music, poesia, 2007
Revolving Days, poesia, 2008
On Experience, saiakera, 2008
Ransom, eleberria, 2009
The Happy Life, saiakera, 2011

Erreferentziak

Wikimedia Commonsen badira fitxategi gehiago, gai hau dutenak: David Malouf

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Artikulu hau Queenslandeko biografia baten zirriborroa da. Wikipedia lagun dezakezu edukia osatuz.

Datuak: Q506430
Multimedia: David Malouf / Q506430