Dolores Salís

Wikipedia, Entziklopedia askea
Jump to navigation Jump to search
Dolores Salís
Bizitza
Jaiotza Irun1899
Herrialdea  Gipuzkoa, Euskal Herria
Heriotza Irun1999ko iraila
Familia
Aita José Salis
Jarduerak
Jarduerak eskultorea eta zeramikaria

Dolores Salís Martínez (Irun, Gipuzkoa, 1899a - Irun, Gipuzkoa, 1999ko iraila) gipuzkoar eskulturagile eta zeramikaria zen.

Aita, José Salís margolaria zuen. Doloresen anaia Luis Irungo alkate errepublikazalea zen. Dolores "Luis de Uranzu" goitizenez ezaguna zen Luis Rodríguez Gal irundar idazlearekin ezkondu zen eta bost seme-alaba eduki zituzten.

Espainiako Gerra Zibila lehertu zenean Irun hiria matxinatu frankisten esku geratu baino egun bat lehenago ihes egin zuen Hendaiara.

2010eko uztailean Irungo udalak kale bati bere izena jarri zion bere omenez.

Hiru hilabete eskasengatik ez zituen hiru mende ezagutu, baina bere begiek, ostera, hiru gerra ezagutu zituzten. Horietako batek, 1936ko gerrak, erabat eraldatuko zion bizitza.

1899. urtean jaio zen Dolores, margo eta obra artean dantzan handitu zen, aita, Jose Salis, margolari famatua zen-eta. Salis familia belaunaldi bat lehenago etorri zen Irunera.

Dolores, Beraun etxe ederrean jaio eta bizi izan zen bere bizitzako zati handienean. Beraun Oiasso museoaren goialdean dagoen, baina ia ezkutuan irauten duen, altxor bat da. Garai batean Iparralde hiribidea, eta Santiago kale arteko lur eremu osoa zen euren etxea, horregatik gaur egun auzo horrek ere Beraun izena du.

Familiako alaba bakarra zen eta kasu honetan beste behin ere bere gurasoek semeetan jarri zuten arreta eta ingeniaritza ikasketak eskaini zizkieten baina Doloresi ez, neska izateagatik. Garai hartan neska aberatsei unibertsitatera joateko eskubidea eman beharrean musika eta etxeko andereak izaten erakusten zieten soilik.


Lanak[aldatu | aldatu iturburu kodea]

  • Irungo Santa Elena baselizako gurutze-bidea.


Biografia
Gipuzkoa
Artikulu hau Gipuzkoako biografia baten zirriborroa da. Wikipedia lagun dezakezu edukia osatuz.