Donostiako Aste Nagusia

Donostiako Aste Nagusia
	Donostiako Aste Nagusian su artifizialak dira jende gehien biltzen duen ekitaldia. Irudian, su artifizialak Kontxako badiaren gainean.
Tokia	Donostia
Antolatzailea	Donostiako Udala
Esanahia	Donostiako udako jaiak
Hasiera	Abuztuaren 15eko aurreko larunbata
Amaiera	Abuztuaren 15eko ondorengo larunbata
Data
Webgunea	http://www.donostiakultura.com

Donostiako Aste Nagusia Donostian abuztuaren 15a - Ama Birjina eguna - hartzen duen aste osoan ospatzen den jaialdi bat da.

Sorrera

1876an hirugarren gerra karlistaren ostean Donostiak erakargarritasun turistikoa berreskuratzeko beharra zuen. Horregatik Jose Arana eskoriatzarrak sustatu zuen jaialdia XIX. mendearen amaieran. Loterian lortutako diruarekin, enpresaburu bihurtu zen. Zezenketen enpresaburu, hain zuzen ere, zezenketak oso gogoko baitzituen. Horren ondorioz, beranduago Atotxa futbol zelaia egongo zen tokian, zezen plaza bat eraiki zuen. Eta bertan eman zituen zezenketa jaialdiak, Donostiako Aste Nagusiaren sorrera hau delarik, hasieran, "Zezenketa Aste Nagusia" deitzen baitzen. Ondoren, denboran aurrera eginez, egun denera pasa zen Donostiako Aste Nagusia.

Aste Nagusiko ospakizunak

Aste Nagusian ospatzen diren ospakizunen artean, nabarmenena, su artifizialen lehiaketa da. Zaragoza, Valentzia, Italia eta beste toki askotako enpresa piroteknikoak ia urtero etortzen dira Donostiara, Aste Nagusiko su artifizialen lehiaketan parte hartzera.

Beste ospakizun ezagun batzuk, Saguesen antolatzen diren musika kontzertuak dira.

Abordatzea

Donostiako Piratak martxan ipini ziren 2003an, modu alternatiboan bestelako proposamenak helarazteko hiritarrei, batez ere gazte jendeari. Azken urteotan lortu dute Aste Nagusia piztea, gune berriak eskuratzea (Donostiako portuaren aldean "La Flamenka" txosnagunea. Eta ekitaldi nagusi moduan, piraten "Abordatzea" egiten dute kaialdetik Kontxaraino, modu informalean egindako txalupen bidez.

Ikus, gainera

Kanpo estekak

Datuak: Q6124437
Multimedia: Donostiako Aste Nagusia / Q6124437