Donostiako erraldoi eta buruhandien konpartsa

Donostiako erraldoi eta buruhandien konpartsa 1982ko abuztuaren 8an atera zen lehen aldiz kalera. Urte hartako erraldoiak gordetzen dira, ez, ordea, buruhandiak. Konpartsa horren sortzaile nagusietariko bat Jose Ignazio Urbieta izan zen. Konpartsa antolatzeko, 1991an, elkarte bat sortu zen, Itzurun Elkartea alegia; guztira 75 pertsona dira. 2017ko Aste Nagusian erraldoiak berrituak atera ziren, janzkera berriekin ere, nolabait, hasierakoak berreskuratu nahian.^[1]^[2]

Erraldoiak

Esan ohi da erraldoien artean Donostiakoak erraldoienak direla: 4,15 metroko garaiera dute. Erraldoi hauen beste ezaugarria haien aurpegien trazuak dira. Lau bikote dira^[3]:

Bikote arabarra: Katximorroa eta Biasteriko dantzaria:
- Erromualdo: Altuera: 4,15m. / Pisua: 62 Kg.
- Estitxu: Altuera: 4,15m. / Pisua: 59 Kg
Bikote nafarra: Erronkari bailarako bikote tipikoa:
- Blanca: Altuera: 4,15m. / Pisua: 64 Kg
- Eneko: Altuera: 4,15m. / Pisua: 62 Kg
Bikote gipuzkoarra: Orioko baleagizona eta Pasai Donibaneko batelaria:
- Karmeli: Altuera: 4,15m. / Pisua: 67 Kg
- Manrique: Altuera: 4 m. / Pisua: 61 Kg
Bikote bizkaitarra: olagizona eta erroskilagilea:
- Mattin: Altuera: 4,15m. / Pisua: 62 Kg
- Maritxu: Altuera: 4,15m. / Pisua: 61 Kg

Erraldoi bikote bakoitza musikari propioen doinuekin dantzatzen da. Urteetan zehar gorabeherak izan badira ere, egun honela banatzen dira: Bikote arabarra Tolosako Dultzaineroekin, bikote nafarra Perez de Lazarragatarren ondorengoekin, bikote gipuzkoarra Juan Mari Beltranekin eta bikote bizkaitarra Donostiako eta inguruko txistulariekin.

Buruhandiak

Hauek hamalau dira eta, nolabait, hirian ospatzen diren festa desberdinen ordezkariak dira.

Donostiako Danborrada: danborraria, kantinera, sukaldaria eta urketaria
Kaldereroak: bikote bat
Inude eta artzaina
Inauteriko Arlekina eta Pierrota
Belle Epoque: Tio Pepe eta Cocotte
Santo Tomas jaia: baserritar bikote bat

Irudiak

Konpartsa Donostiako Antigua auzoan.

Erreferentziak

↑ Erraldoi eta buruhandiak 1999-2009. Jose Ignacio Urbietaren omenez.. Debako Udala.
↑ (Gaztelaniaz) «Radio San Sebastian» cadena SER.
↑ Donostiako erraldoi eta buruhandien elkartea. Itzurun elkartea (kontsulta data: 2025-08-17).

Ikus, gainera

Kanpo estekak

Itzurun elkartea, Donostiako erraldoi eta buruhandien elkartea

Wikimedia Commonsen badira fitxategi gehiago, gai hau dutenak: Donostiako erraldoi eta buruhandien konpartsa

Datuak: Q5879443

[1] Erraldoi eta buruhandiak 1999-2009. Jose Ignacio Urbietaren omenez.. Debako Udala.

[2] (Gaztelaniaz) «Radio San Sebastian» cadena SER.

[3] Donostiako erraldoi eta buruhandien elkartea. Itzurun elkartea (kontsulta data: 2025-08-17).

[1]

[2]

[3]