Elaine Miles

Elaine Miles
	; Irudi gehiago
Bizitza
Jaiotza	Pendleton (Oregon), 1960ko apirilaren 7a (64 urte)
Herrialdea	Ameriketako Estatu Batuak
Lehen hizkuntza	ingelesa
Hezkuntza
Heziketa	Renton High School (en)
Hizkuntzak	ingelesa
Jarduerak
Jarduerak	aktorea, telebista-aktorea eta zinema aktorea

Elaine Miles (Pendleton (Oregon), 1960ko apirilaren 7a) aktore amerindiar estatubatuarra da. Northern Exposure telesailean Marilyn Whirlwind mediku kontsultako harreragilearen rola betetzeagatik da ezaguna.

Biografia[aldatu | aldatu iturburu kodea]

Gaztaroa[aldatu | aldatu iturburu kodea]

Elain Miles Pendletonen jaio zen cayuse eta nez perce leinuetako arbasoak zituen familia batean eta hiru urtez Oregon ekialdeko Umatilla Amerindiar erreserban bizi izan zen^[1]. Orduan Rentonera (Washington estatua) aldatu zen familia, aitak Boeingeko mekaniko lana aurkitu zuelako^[2]. Gaztetan amerindiarren ohitura tradizionalak ikasi zituen, ipuin kontaketa, beira alezko lanak, keramika, ehungintza... Dantzari tradizional gisa ere hainbat txapelketa irabazi zituen^[3].

Aktore ibilbidea[aldatu | aldatu iturburu kodea]

1990. urtean Northern Exposure telesailerako castinga egiten ari ziren itxarongelan aurkitu zuten eta berehala aukeratu zuten. Elaine uda sasoian Vancouverreko Zentro Historikoan Sacajawea amerindiarraz janzten zen bisitarien aurrean, hori zen bere aktore esperientzia bakarra. Berez ama eraman zuen castinga egitera, baina arduradunetako batek ikusi eta berari luzatu zion proposamena, eta honek onartu egin zuen^[3].

Amerindiarren egoeraz oso konziente izanik tlinglit leinuko emakumearen rola zorroztasunez prestatu zuen eta amerindiar komunitatearen errespetu osoa jaso zuen. 1993an "Urteko emakume amerindiarra aukeratu zuten eta 1995ean Urteko Amerikako amerindiar famatua. 1995ean bertan Aktoreen Sindikatuaren Sarietarako komedia telesail batetako bigarren mailako emakumezko aktore onenerako izendatua izan zen^[4].

Northern Exposure amaitu ondoren Smoke Signals, Skins eta The Business of Fancydancing filmetan hartu zuen parte^[5], bai eta amerindiarren inguruko hainbat dokumentaletan ere.

Bestelako lanak[aldatu | aldatu iturburu kodea]

Pow wow ugaritan hartu du parte eta dantza tradizionalarekin hainbat bira ere egin ditu. Drew LaCapa komediagile apatxearekin batera "Rez Robics" ariketa bideoa egin du amerindiarren artean dagoen diabete ratio handia jaisteko helburuaz. Bideo horretan pow wow dantzak, borroka-arteak, aerobic mugimenduak eta nutrizio aholkuak txertatzen dituzte^[6]. Erosleei bideoa kopiatu eta libreki banatu dezatela eskatzen diete gainera, ahalik eta jende gehienarengana iritsi dadin.

Filmografia[aldatu | aldatu iturburu kodea]

Filmeak[aldatu | aldatu iturburu kodea]

Urtea	Filma	Pertsonaia	Oharrak
1995	Mad Love	etxeko zerbitzaria
1998	Smoke Signals	Lucy
2002	The Business of Fancydancing	Kim
2002	Skins	Rondella Roubaix
2007	Tortilla Heaven	Caridad
2008	Fry Bread Babes	bere burua	laburmetraia
2012	Universal VIP	N'ah	laburmetraia
2012	By the Salish Sea	Salish emakumea	ahotsa, laburmetraia
2014	Four Quarters	Mrs. Burke
2015	Fishing Naked	Louise 'Grandma' Ottertale
2019	Juanita	Mountain

Telebista[aldatu | aldatu iturburu kodea]

Urtea	Filma	Pertsonaia	Oharrak
1990-1995	Northern Exposure	Marilyn Whirlwind	ohiko aktorea, 110 kapitulu
1994	Bill Nye, the Science Guy	bere burua	telebista dokumentala, 2 atal
1996	The Rez	Mad Etta	18 kapitulu
1996	Pandora's Clock	etxeko zerbitzaria	telebistako miniseriea, 2 kapitulutakoa
1998	Scattering Dad		Telefilmea
2003	Images of Indians: How Hollywood Stereotyped the Native American	bere burua	Amerindiarren inguruko dokumentala
2009	Wyvern	Barnes diputatua	Telefilmea

Sariak[aldatu | aldatu iturburu kodea]

Sariak	Urteak	Oharrak
Aktoreen Sindikatuaren Sariak	1995: Telesail dramatiko batean bigarren mailako emakumezko aktore onena (Northern Exposure)	Izendatua

Erreferentziak[aldatu | aldatu iturburu kodea]

↑ (Ingelesez) «Elaine Miles got her break on Northern Exposure» Indian Country News (Noiz kontsultatua: 2020-03-08).^{[Betiko hautsitako esteka]}
↑ (Ingelesez) «February 2010» Coyotecooks Blog (Noiz kontsultatua: 2020-03-08).
↑ ^a ^b «Marilyn Speaks!» www.radiancemagazine.com (Noiz kontsultatua: 2020-03-08).
↑ «Elaine Miles» IMDb (Noiz kontsultatua: 2020-03-08).
↑ SensaCine. «Filmografía Elaine Miles» SensaCine.com (Noiz kontsultatua: 2020-03-08).
↑ «WHAT IS REZ ROBICS? | American Indian Society of Delaware Forum» udaisd.proboards.com (Noiz kontsultatua: 2020-03-08).