Elosu (Legutio)

Beste esanahi batzuen berri izateko, ikus: «Elosu (argipena)»

Elosu
Euskal Herria
Elosuren ikuspegia, lainopean.
Kokapena
Herrialdea	Araba
Udalerria	Legutio
Geografia
Koordenatuak	42°58′32″N 2°40′43″W
Demografia
Biztanleria	116 (2022)

Elosu Arabako iparraldeko herri eta kontzejua da, Legutioko udalerrikoa. Herrigunearen mendebaldean dago kokatuta, eta iparraldean, bestela, Ollerieta auzoa. Azken honetan Euskal Buztingintza Museoa dago.

Historia

1025. urteko Donemiliagako goldean aipatzen da: Elhossu.

Legutioko ermandadean kokatuta, beste bost herrixkekin batera Villarreal de Álavari, hau da Legutioko ermandadeari lotuta, Alfonso XI. errege gaztelarraren garaian, XIV. mendean. Urbina eta Goiainekin batera Legutioko kuadilla osatzen zuen, ermandadean zeuden hiru kuadilletako bat alegia.

Espainiako Gerra Zibilean, Legutioko guduaren testuinguruan, Elosuko 17 herritar fusilatu zituzten. Itxuraz gertakari honek ez zuen gerra-ekintzekin zerikusirik izan, baizik eta mendeku pertsonalekin.

XX. mendearen hasieran eskola publiko mistoa zegoen, 28 neska-mutilekin. 1973an, azkenik, 40 euskal hiztun zenbatuta zeuden kontzejuan.

Demografia

Elosuko biztanleria

Garraioa

Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 6a Otxandio Legutio Oleta • Elosu • Elosu (Ollerieta) • Nafarrate • Urrunaga • Larrabea • Legutio (Zabalain) Otxandio Legutio

Ondasun nabarmenak

• Ollerieta baserriko labea. Euskal Buztingintza Museoaren barruan dago.
• San Miguel eliza: Zaharberrituta dago, izan ere oso kaltetua izan zen Gerra Zibilean.
• Desagertutako baselizak: Santa Pía, San Prudencio, San Sebastián eta Mujanokoak.

Buztingintza Museoa.

Ikus, gainera

• Zuia-Gorbeialdea

Bibliografia

• Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa

Kanpo estekak

• (Gaztelaniaz)Informazioa Auñamendi entziklopedian.

• Datuak: Q3051654
• Multimedia: Elosu / Q3051654