Erlo

Wikipedia, Entziklopedia askea
Jump to navigation Jump to search
Erlo
Erlo mendia Zestoako Lasaotik.jpg
Datu orokorrak
Garaiera 1.026 m
Geografia
Koordenatuak 43° 12′ 27″ N, 2° 15′ 44″ W / 43.2075°N,2.26222222°W / 43.2075; -2.26222222Koordenatuak: 43° 12′ 27″ N, 2° 15′ 44″ W / 43.2075°N,2.26222222°W / 43.2075; -2.26222222
Herria Euskal Herria
Mendikatea Izarraitz
Herrialdea Espainia
Lurraldea Gipuzkoa
Mendizaletasuna
Ohiko bidea Azpeitia eta Zestoa
Luberri Luberri

Erlo (1.026 m) Gipuzkoako mendia da, Izarraitz mendilerroko tontor nagusia da. Ingurunean telekomunikazio antena handi bat dauka eta beheraxeago gurutze bat.

Handik gertu ditugu mendilerroko beste bi gailur nagusiak: Xoxote (912 m) eta Kakueta (924 m).

Abiapuntuak[aldatu | aldatu iturburu kodea]

  • Zorrospeko lepotik (615 m), Madarixa auzotik bi kilometrotara (Azkoitia), Itziarrera doan errepidean. Ibilbidea basoan sartu ondoren beste lepo bateraino darama, Zamaleku izenekoa (818 m). Gero Xoxote (909 m) inguratzen du Azketako leporaino (874 m). Bertan elurzulo (Neberie), harrian egindako aska eta Potzuaundi ditugu. Hortik iparralderantz abiatu eta gandorretik jarraituz Azketako gainera (1.014 m) iristen da. Hortik apur bat beherantz egiten (1.004 m) Erloko gurutzera jaisten da (1.022 m), eta apur bat aurrerago tontorra bera.
  • Azpeitiatik 85 m) abiatzen den ibilbidea klasikoena da. Hilerritik hasita (115 m), asfaltutako bide bat igarotzen da Txakolo (160 m) eta Bildotxola (260 m) baserrietatik, Urreta baserriraino (342 m). Hortik hegoaldeko magaletatik Naargun lepora (625 m). Bidezidorrka Azketako lepora (874 m) darama. Azketa gaindik (1.014 m) tontorrera iritsiko gara.
  • Azkoitiatik (115 m) Estrada auzoko industrialdetik abiatu behar da, Agarre (135 m), Bidaurreta (157 m), Gaintza (200 m), Larregi (266 m) eta Aldako (351 m) baserrietatik. Apur bat aurrerago Aginaga baserria dago (360 m), eta azken honetan eskuinerantz bide bat hartuko dugu Aritzaga (373 m) baserrirarino. Hortik hegoaldeko magaletik gorantza Makolan (702 m) bat egingo dugu Zamalekuko lepotik datorren pistarekin (818 m). Hura hartuta tontorreraino iritsiko gara.
  • Zestoatik (45 m) beste ibilbide bat ateratzen da, Ondarbasoko lepotik pasatzen dena (350 m). Hortik igoerak Neberaldia muinoa inguratzen du (391 m), hortik Soldadusoro (378 m) eta mendebaldeko magaletatik Intziolako parajeetara (601 m), Harrigorriko bizkarra, Zantzakortako sarobera (805 m) eta Azketako gainera (874 m), tontorra baino lehen.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Euskarazko Wikipedian bada atari bat, gai hau duena:
Euskal Wikiatlasa