Erresuma Batua-Montenegro harremanak

Erresuma Batua-Montenegro harremanak
	;
Misio diplomatikoa
Nork ordezkatua
Mota	aldebiko harreman

Erresuma Batuaren eta Montenegroren arteko harremanak (ingelesez: Relations between Montenegro and the United Kingdom; montenegroeraz: односима Црне Горе и Уједињеног Краљевства; odnosima Crne Gore i Ujedinjenog Kraljevstva), edo britainiar-montenegroar harremanak (ingelesez: British-Montenegrin relations; montenegroeraz: Британско-црногорски односи; Britanisko-crnogorski odnosi), Montenegro eta Erresuma Batuaren arteko kanpo-harremanak dira. Bi nazio horiek Europako Kontseiluko eta NATOko kideak dira, eta alde beretik borrokatu zuten Lehen Mundu Gerran^[1] eta Bigarren Mundu Gerran^[2]^[3].

Historia[aldatu | aldatu iturburu kodea]

Montenegroko Printzerria eta Montenegroko Erresuma[aldatu | aldatu iturburu kodea]

1878an, Britainia Handiak, Montenegro, Berlingo Kongresuaren bidez, printzerri independente eta subirano bezala onartu zuen. Aldi horretan, Britainia Handiak enbaxada bat mantendu zuen errege hiriburuan, Cetinjen. Cetinjeko antzinako enbaxada britainiarrak zutik jarraitzen du eta gaur egun bere eraikina Montenegroko Unibertsitateko Musika Akademiaren egoitza bezala erabiltzen da.

Serbia eta Montenegro desegin ondoren, Erresuma Batuak Montenegro estatu independente gisa onartu zuen eta harreman diplomatikoak ezarri zituen 2006ko ekainaren 13an. Gero, Erresuma Batuak bere Bulego Britainiarra hobetu zuen Podgorican. Yorkeko Dukeak Montenegro bisitatu zuen 2009ko martxoan Podgoricako Enbaxada Britainiar berria ofizialki inauguratzeko.

Montenegrok enbaxada bat ireki zuen Londres-en 2007ko irailean (Serbia eta Montenegrok Londresen zuten enbaxada zaharra Serbiako Errepublikaren enbaxada bihurtu zen 2006ko ekainaren 5ean).

Kultura-harremanak[aldatu | aldatu iturburu kodea]

British Council 1994tik egon da Podgorican lanean eta enbaxadaren ondoan dago. Montenegroko British Council-ek Erresuma Batuaren eta Montenegroren arteko harreman kulturalak sustatzen ditu hezkuntzaren, sormen-industrien, gobernantzaren eta ingelesaren arloetako proiektuetan egindako lanaren bidez, bai eta tokiko gobernuko, gobernuz kanpoko eta nazioarteko erakundeekin sareak mantenduz eta garatuz ere.

Erresuma Batuko 2001eko erroldak Serbia eta Montenegroko antzinako estatuan jaiotako 31.244 pertsona erregistratu zituen, gaur egun Serbia eta Montenegroko estatu independenteak direnak.