Esne Beltza

Wikipedia, Entziklopedia askea
Hona jauzi: nabigazioa, Bilatu
Esne Beltza
Datuak
Jatorria Euskal Herria
Musika mota soul, ska, reggae
Urteak 2007 -
Produkzioa
Diskoetxea(k) Gaztelupeko Hotsak, Baga Biga Produkzioak
Taldekideak
Xabi Solano
Marcos Esteban «Pini»
Iban Zugarramurdi
Pello Gorrotxategi
Jon Mari Beasain
Aitor Zabaleta
Javi Perez
Jon Elizalde
Zigor Lampre
Jon Garmendia «Txuria»
Sergio Ordoñez «Patxuko», Arkaitz Sistiaga, Haritz Lonbide, Gorka Suaia,
Informazio gehigarria
MusicBrainz f3a64bc6-621c-4b6a-b6c7-8bf453d78d47
Twitter @EsneBeltza
Gaztelupeko Hotsak: Esne Beltza

Esne Beltza Euskal Herrian sortutako musika talde bat da. Taldea sortzeko ideia Xabi Solanok izan zuen, Fermin Muguruzarekin egindako biran zehar. Taldearen izena Fermin Muguruzak proposatutako paradoxa batetik dator: abeslari zuriek musika beltza interpretatzea. Talde honen musika reggae, ska eta hip-hop-en nahaste bat da, trikitiarekin lagunduta.

Kontrabanda taldeko musikari batzuez gain, talde honi Xabi Solanorekin Etzakit eta The Solanos taldeetan aritutako beste musikari batzuk batu zitzaizkion. Zigor Lanpre, Jon Elizalde, Sergio Ordoñez «Patxuko», Jon Mari Beasain, Aitor Zabaleta, Pello Gorrotxategi, Iban Zugarramurdi, Haritz Lonbide izan ziren Esne Beltzako lehen taldekideak. Hitzak idazteko Jon Garmendia «Txuria», Solanorekin 20 urtetik gorako ibilbide artistikoa egin duen poeta eta idazlea.

Ibilbidea[aldatu | aldatu iturburu kodea]

2008an talde honek lehenengo diskoa kaleratu zuen, Made In Euskal Herria izenekoa. Lehenengo disko honek 15 abesti ditu, nagusiki euskaraz, nahiz eta abesti eta estrofa batzuk gaztelaniaz, ingelesez eta portugesez izan.

2009an hainbat taldekidek, CD+DVD bat grabatu zuten Esne Zopak - Esnesaltzailearena izenpean. Disko hau trikitiaren munduari eskainia dago eta estilo honetako abestiz osatzen da. DVDan hainbat trikitilariri egindako elkarrizketak agertzen dira.

2010ean taldeak bigarren diskoa egin zuen, Noa izenekoa. Disko honek 17 abesti ditu.

2011ko bukaera aldera argitaratu zen "Freedom hiru kolpetan", lan hirukoitza, hirugarren diskoa zela nabarmentzeko, DVD (Freedom) gehi CD audio (3 Kolpetan) batez osatua dago. Lan honen egituraren ideia 3 kolpetan oinarritzen da. 3 kolpe DVDan, 3 zuzeneko: Fuji Rock jaialdia, Japonia (2009), Durango (2010) eta 2011kako irailaren 11ean Donostiako kaia. Umorea nahiz ironia erabiliz taldearen izaera txertatzen zen DVD-an, filma modura, eta irudi guztiak elkar lotuz abesti bakoitza aurkezten duen argumentu bat eraikiz. 3 Kolpetan CD audioa, Esne Beltzaren 9 abesti berri, Esne Zopaken (Esne Beltzako taldekide batzuk duten proiektu musikala) 3 abesti berri eta Rude (Italia), Davidb (Frantzia) edota Xabi Peryk (Euskal Herria) eginiko remix-ak gehi bitxikeri batzuk osatzen dute.

2013ko abenduan Goraǃ diskoa argitaratu zuten, Ereñotzu eta Bardoze artean egina 2013ko irailetik azarora bitartean. 17 abestiz osatutako diskoa da.[1]

2015. urtearen amaieran, beste disko bat argitaratu zutenː Esna. Bi zatitan grabatua, lehena 2015.ko abenduan argitaratu zen, eta 8 kantu ditu. Bigarrena aldiz 2016.ko maiatzean argitaratu zen, eta 7 kantu ditu.

Taldekideak 2016[aldatu | aldatu iturburu kodea]

  • Xabi Solano: ahotsa eta trikitia
  • Marcos Esteban (Pini): ahotsa
  • Jon Mari Beasain: gitarra eta panderoa
  • Aitor Zabaleta: baxua
  • Pello Gorrotxategi: teklatua eta koruak
  • D.Z. (DJ Zigor): D.J.
  • Iban Zugarramurdi: bateria
  • Javi Perez: tronpeta
  • Jon Elizalde: tronboia
  • Jon Garmendia 'Txuria': hitzak

Diskografia[aldatu | aldatu iturburu kodea]

Erreferentziak[aldatu | aldatu iturburu kodea]

  1. Goraǃ diskoa, Esne Beltzaren webgunean.

Kanpo loturak[aldatu | aldatu iturburu kodea]

̈* Taldearen webgunea

  • 5gora, taldearen webgune errepikatua