Farzana Wahidy

Farzana Wahidy
	; Irudi gehiago
Bizitza
Jaiotza	Kandahar, 1984 (39/40 urte)
Herrialdea	Afganistango Errepublika Demokratikoa (1984 - 1992); Afganistango Estatu Islamikoa (1992 - 2002); Afganistango Trantsizioko Estatu Islamikoa (2002 - 2004); Afganistango Islamiar Errepublika (2004 -
Familia
Ezkontidea(k)	Massoud Hossaini (en) (2005 -
Hezkuntza
Hizkuntzak	persiera; paxtuera; ingelesa
Jarduerak
Jarduerak	fotokazetaria eta argazkilaria
Jasotako sariak	ikusi Anja Niedringhaus Courage in Photojournalism Award (2022) ;
	farzanawahidy.com

Farzana Wahidy (Kandahar, Afganistan, 1984) fotokazetari afganistandarra da.

Nazioarteko agentzia batentzat lan egin duen lehen emakume argazkilari afganistandarra, bere herrialdeko emakumeen eta nesken egunerokoan egindako dokumentazio-lanagatik da ezaguna.

Biografia[aldatu | aldatu iturburu kodea]

Farzana Wahidy 1984an jaio zen, Kandaharren, Afganistan hegoaldean. Sei urte zituela, Kabulera joan zen bizitzera. Han gerra zibila bizi izan zuen, eta hamabi urtetik aurrera ez zen eskolara joan, harik eta, 2001ean, Talibanen erregimena erori eta Bigarren Hezkuntzara itzuli zen arte.

Orduan ezagutu zuen argazkilaritza, eta, 2002an, lehen promozioa izan zen Aina erakundean izena eman zuen. 500 hautagaitatik 15 hautatu zituzten, tartean bera. Manoocher Deghati-ren eskolak jarraitu zituen, zeina Associated Press (AP) erakundearentzat Ekialde Hurbileko argazkien erredaktoreburu bihurtu baitzen gerora.^[1]^[2]

Lan ibilbidea[aldatu | aldatu iturburu kodea]

2004an, Farzana Wahidy Agence France-Pressek (AFP) kontratatu zuen, eta nazioarteko agentzia batean lan egiten zuen lehen emakume argazkilari afganiarra bihurtu zen. Associated Pressekin ere bat egin zuen.^[1]

2007an, Kanadara joan zen, Bellevilleko (Ontario) Loyalist College-ren fotokazetaritza-programa segitzeko bi urtez.^[3]

2019ko abenduan, Afganistango Argazkilarien Elkartea (APA) sortu zuen Massoud Hossainirekin.^[4]Kharmohra erakusketa kolektiboan ere parte hartu zuen. Marseillako Mucem-en, bertan bildu zituzten biolentzia irudikatu nahi ez duten artista plastiko eta argazkilari afganiarren lanak.^[5]^[6]

Farzana Wahidyk Afganistani barrutik ateratzen dio argazkia, bere burkaren pean argazkiak eginez, besteak beste.^[7] Bere lanean, emakume eta neska afganiarren eguneroko bizitza dokumentatzen du, haiek balorizatzea zainduz, oro har, biktima gisa baino aurkezten ez zaizkigunean.^[3]