Fedon
Fedon —grekoz: Φαίδων, Phaidon— Platonen elkarrizketetako bat da, Sokratesen azken orduak jasotzen dituena. Bertan Sokratesek arimaren hilezkortasunaren auziaz hitz egiten du bere ikasleekin. Ideien eta oroitzapenaren teoria, Sokratesek hilezkortasunaren frogatzat eman zuena, da elkarrizketa horren gai nagusia. Platonen ideien teoriaren asmoa lehen aldiz elkarrizketa honetan agertzen da.[1] Filosofia heriotzarako prestaketa gisa azaltzen da (filosofia, hiltzen ikastea da), eta gorputzaren desira eta atseginetatik garbitzea da. Elkarrizketa arimen etorkizunari buruzko mito bikain batez bukatzen da. Elkarrizketa hori Fedonek kontatu zion Platoni. Elkarrizketa honetan Sokratesek, poliseko jainkoengan ez sinesteagatik heriotzera kondenatua izan denak, Asklepiori oilar bat eskaintzeko agintzen du hiltzeko orduan.[2]
Jokin Zaitegik euskaratu zuen Fedon elkarrizketa (Platon, IV. Kriton eta Faidon, 1978).
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Bibliografia
[aldatu | aldatu iturburu kodea]- Aintziart, Piarres (2004): "Helendarren Filosofia (II): Platon eta Aristoteles" in Joxe Azurmendi (et al.): Filosofiako Gida, Bilbo, UEU. ISBN 84-8438-048-3
- Arana, José Ramón (2000): "Hitzaurrea" in Platon: Eutifron, Eutidemo eta Gorgias, Bilbo, Klasikoak. ISBN 84-96455-06-08
- Azurmendi, Joxe (1999): "Sokrates: krisialdiko pentsalaria" in Platon: Sokratesen defentsa, Donostia, Jakin. ISBN 84-95234-04-1
Kanpo estekak
[aldatu | aldatu iturburu kodea]- Fedon EHUren webguneko Klasikoak bilduman.
