Fermanagh konderria

Fermanagh konderria
Erresuma Batua
Administrazioa
Estatu burujabe	Erresuma Batua
Herrialdea	Ipar Irlanda
Hiriburua	Enniskillen
Geografia
Koordenatuak	54°21′N 7°38′W
Azalera	1.691 km²
Mugakideak	Leitrimeko konderria, Donegalgo konderria, Monaghaneko konderria, Cavan konderria eta Tyroneko konderria
Demografia
Biztanleria	61.805
Dentsitatea	36,55 bizt/km²
Ordu eremua	UTC±00:00

Fermanagh konderria, (Irlanderaz, Contae Fhear Manach edo Fear Manach, esanahia "Monach-eko Gizonak"), Erresuma Batuko Ipar Irlandaren sei konderrietatik mendebaldeena dagoena da, Ulster eskualdean. Fermanagh askotan "Lakuen Konderria" bezala ezaguna da. Enniskillen/Inis Ceithleann da hiriburua eta herri handi bakarra.

Geografia

Natura

Eremu guztia nahiko laua da. Erne aintzirek, goikoak eta behekoak, bitan banatzen dute konderria, eta aintziren artean kokatzen da Enniskillen hiriburua. Beste aintzira batzuek, Macnean aintzirek, muga egiten dute Irlandako Errepublikarekin hego-mendebaldean. Hauen ondoan daude Marble Arch leizeak.

Hiriak eta herriak

• Enniskillen/Inis Ceithleann (13.599 biztanle), hiriburua
• Lisnaskea/Lios na Scéithe (2.739)
• Irvinestown/Baile an Irbhinigh (2.081)

Historia

Fermanagh konderria Magire leinuaren jabegoa izan zen Erdi Aroan. Britainiarrek 1607an konkistatzerakoan lur zati batzuk ingeles eta eskozesen esku gelditu ziren, baina irlandarrek ere mantendu zituzten hainbat eremu. Elisabet I.a Ingalaterrakoaren erregealdian eratu zen gaur egun ezagutzen dugun Fermanagh konderria.

Irlandako zatiketa gertatu zenean konderriak Ipar Irlanda osatzea erabaki zuen.

Ekonomia

Abeltzaintza da nagusi Fermanaghen. Behiak, ardiak eta zerriak hazten ditu eta landa lurrak abereak hazteko erabiltzen ditu. Turismoa ere nabaria da, batez ere aintzirei eta Enniskillen hiriburuari lotuta.

Ondasun nabarmenak

• Enniskillen gaztelua
• Coole gaztelua
• Erne aintzirak, goikoa eta behekoa.
• Marble Arch leizeak

Pertsona ezagunak

• Oscar Wilde (1854-1900) eta Samuel Beckett (1906-1989), idazleek Enniskillengo Portora Royal Schoolen egin zituzten ikasketak.

Iruditegia

• 
  Enniskillen gaztelua
• 
  Enniskillengo Coole gaztelua
• 
  Erne aintzirak
• 
  Devenish uharteko monasterioaren aztarnak
• 
  Marble Arch leizeak

Kanpo estekak

• Fermanagh konderriko webgunea

• Datuak: Q190678
• Multimedia: County Fermanagh / Q190678