Filipinetako hizkuntzak

Wikipedia, Entziklopedia askea
Jump to navigation Jump to search
Filipinetako hizkuntza mapa

Filipinetan 170 hizkuntza inguru mintzatzen dira, ia denak austronesiar familiakoak. Hizkuntza horietatik guztietatik bi bakarrik dira ofizialak, uhartedi osoan erabiliak: tagaloa eta ingelesa. Gutxienez, hamar nagusitzat hartzen dira eta gutxienez zortzi, koofizialtzat.

Hizkuntza aniztasunarekin batera, Filipinak alfabetizazio tasa handienetakoa du Asia Ekialdean eta Pazifiko aldean: 10 urtetik gorako biztanleriaren % 90 irakurtzeko eta idazteko gai da. Filipinarrak, oro har, elebidunak dira.

Aspaldi, gaztelania nahiko hedatuta zegoen uhartedian, Espainiar Inperioaren zati baitzen. Hala ere, estimazioen arabera, biztanleriaren % 10ek hitz egiten zuen, batez ere espainiar kolonoek eta filipinar landuek. Egun, gaztelania ia galduta dago, ingelesaren mesedetan, eta 2 milioi filipinarrek baino ez dute mintzatzen. Chavacanoak (gaztelaniaren eta bertako hizkuntzen arteko kreolerak) bizirik dirau ordea, batez ere Zamboangan.

Hizkuntzak[aldatu | aldatu iturburu kodea]

Hauek dira Filipinetako 18 hizkuntza mintzatuenak:

Hizkuntza Hiztun kopurua Eskualdea
tagaloa -"filipino"a 70 milioi baino gehiago (25 milioik lehen hizkuntzatzat dute) Uhartedi osoan
bisaya 38 milioi (aldaerekin, cebuera barne) Cebu, Bohol, Mindanao eta Negros uharteak
ilokanoa 9 milioi Luzon iparraldean
hiligaynona 7,5 milioi Panay uhartean
bicola 6 milioi Bicol penintsulan
pampangana 2,2 milioi Luzon erdialdean
pangasinana 1,4 milioi Luzon mendebaldean
magindanaoa 1,1 milioi Mindanao hegoaldean
tausuga 1 milioi Sulu
maranaoa 900.000 Mindanao hegoaldean
surigaoa 450.000 Mindanao ipar-ekialdean
kinaraya 400.000
waray-waraya 3 milioi Samar eta Leyte uharteetan
maranaoa 1 milioi Mindanao hegoaldean
surigaonona 600.000
masbatenyoa 530.000 Masbate uhartean
chavacanoa 360.000 Zamboanga penintsulan eta Caviten
ibanaga 320.000 Luzon ipar-ekialdean