François Duvalier

Wikipedia, Entziklopedia askea
Hona jauzi: nabigazioa, Bilatu
François Duvalier
Duvalier (cropped).jpg
Haitiko presidente

1957ko urriak 22 - 1971ko apirilak 21
Bizitza
Jaiotza Port-au-Prince1907ko apirilaren 14a
Herrialdea  Haiti
Heriotza Port-au-Prince1971ko apirilaren 21a (64 urte)
Familia
Ezkontidea(k) Simone Duvalier
Seme-alabak
Hezkuntza
Heziketa University of Haiti
Michigango Unibertsitatea
Hizkuntzak frantsesa
Jarduerak
Jarduerak politikaria eta medikua
Sinesmenak eta ideologia
Erlijioa Vudua
katolizismoa
IMDb nm2140365

François Duvalier (Port-au-Prince, 1907ko apirilaren 14a – Port-au-Prince, 1971ko apirilaren 21a), ezizenez Papa Doc, haitiar sendagile eta politikaria izan zen. Haitiko presidente konstituzionala izan zen 1957tik aurrera, eta diktadorea 1964tik 1971n hil zen arte. Jean-Claude Duvalier semea izan zuen ondorengo.

Bizitza[aldatu | aldatu iturburu kodea]

1934an, medikuntzan lizentziatu zen Haitiko Unibertsitatean. Gaixotasun infekziosoen arloan nabarmendu zen bere herrialdean bertan; hori dela-eta, "Papa Doc" ezizena jaso zuen. 1946an, Osasun Zerbitzu Nazionaleko zuzendari nagusi izendatu zuten, eta Osasun Publikoko ministro 1949an. 1950ean, Paul Eugène Magloireren estatu kolpearen aurka azaldu zen.

Magloire lehendakaria agintetik kendu ondoren, presidente hautatu zuten 1956an, eta hurrengo urtean hartu zuen kargua. Oposizioaren buruzagi gehienak egotzi zituen herrialdetik, eta konstituzioa egokitu zuen. Agintekeriarekin jokatu zuen ordutik aurrera, eta komunismoaren eta atzerritarren aurka borrokatu zen, hainbat pertsona jazarriz; esparru askotako profesional ugari bota zituen herrialdetik. AEBekin harreman gorabeheratsuak izan zituen eta, Afrikara begira, Panafrikanismoaren sustatzaile agertu zen.

Vuduaren jarraitzailea izan zen, eta Eliza Katolikoaren aurkako politika eraman zuen aurrera. Agintzeko izua erabili zuen eta horretarako Tonton Macoute erakunde paramilitarra osatu zuen. 1964an, diktadura ezarri ondoren, bizi guztirako lehendakari izendatu zuen bere burua, eta Jean-Claude semea ondorengotzat hartu zuen. Hil ondoren, Jean-Claudek hartu zuen aitak utzitako lekua, baina 1986an Frantziara erbesteratu behar izan zuen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: François Duvalier Aldatu lotura Wikidatan