Fukushima

Fukushima; 福島市; 福島市 (Fukushima-shi)
	prefectural capital of Japan (en)
	Irudi gehiago
Administrazioa
Herrialdea	Japonia
Uhartea; Eskualdea; Prefektura	Honshu; Tōhoku; Fukushima
Alkatea	Hiroshi Kohata (en)
Izen ofiziala	福島市; 福島町
Jatorrizko izena	福島市
Posta kodea	960-8601
Geografia
Koordenatuak	37°45′39″N 140°28′29″E / 37.76081°N 140.47472°E
Azalera	746,43 km²
Altuera	67 m
Mugakideak	Nihonmatsu (en) , Date (en) , Koori (en) , Kawamata (en) , Inawashiro (en) , Yonezawa (en) , Takahata (en) , Shiroishi (en) eta Shichikashuku (en)
Demografia
Biztanleria	284.282 (2021eko martxoaren 1a); −9.965 (2015)
Dentsitatea	369 bizt/km²
Informazio gehigarria
Sorrera	1907ko apirilaren 1a
Telefono aurrizkia	024
Ordu eremua	UTC+09:00 eta Japan Standard Time (en)
Hiri senidetuak	Arakawa
	http://www.city.fukushima.fukushima.jp/ www.city.fukushima.fukushima.jp/

Fukushima (japonieraz: 福島市, Fukushima-shi^?) Fukushima prefeturako hiriburua da, Japoniako Tōhoku eskualdean dago. 2014ko erroldaren arabera 283.079 biztanle ditu.

Historia

Aintzinako Japonian Minekoshi izenarekin ezagutu zen Fukushima.

Jōmon Aroan asentamendu handi bat azaldu zen Abukuma ibaiaren ertzean, duela 2.000 urte inguru.

Nara Aroan posta-herriak ezarri ziren inguruan eta Tōsandō geltokia izan zen Minekoshin ezarri zena. Garrantzi handiko eremua bihurtu zen izan ere Mutsu probintziaren iparraklderen zegoen puntua baitzen eta iparraldeko Emishi jendearen zabalkudea gelditzeko helburua hartu baitzuen, harik eta 718an Mutsu berarfen zabalkuntza hasi eta muga Miyagi probintziaraino mugitu zen arte.

Heian Aroan, X mendearen inguruan, Iparraldeko Fujiwara leinuak agindu zuen Tōhoku eskualde guztian. Beren ahaide zen Shinobu Satō leinuak gobernatu zuen gaur egungo Fukushimaren eremua eta Daibutsu gaztelua eraiki zutela pentsatzen da.

1591an Gamō Ujisatok agintea hartu eta izena aldatu zion gazteluari, Fukushima-jo deituz ("zorteko uhartearen gaztelua"). Hurrengo mendean hainbat eskutatik pasa zen gaztelua eta 1702an Fukushima domeinua ezarri zen.

Meiji berrezarkuntzaren ondoren 1876an Fukushima prefetura antolatu zen eta 1879an Fukushima bertako hiriburu bihurtu zen. 1907an hiri estatusa lortu zuen.

1945ean hegazkin estatubatuarrek hiria bonbakatu zuten eta hurrengo urteetan hainbat istripu izan zituen, 1948ko eta 1949ko deskarrilamenduak. Desastre naturalak ere ezagutu izan ditu, aipagarrienak 1986ko tifoiak sorturiko uholdeak eta 2011eko lurrikara ezaguna.

Geografia

Tokioren iparraldean dago, 250 km-tara eta Sendaitik hegoaldera 80 km. Hiria lur barnean dagoen arren prefekturak ozeano Barean hainbat portu dauzka, Onahama eta Soma adibidez. Fukushimako aireportua Sukagawa inguruetan dago.

Ōu mendiak ditu mendebaldean eta Abukuma ibaiak zeharkatzen du harana. Hiriko mendirik garaiena Azuma mendia da, 1.974 metrotako garaiera daukana. Aintzira ugari ere badaude Fukushimaren inguruan, Bandai-Asahi Parke Nazionalaren barnean daudenak.

Klima

Datu klimatikoak (Fukushima, 67m, 1981-2010)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	5.5	6.5	10.4	17.4	22.5	25.2	28.3	30.4	25.6	20.0	14.1	8.7	17.9
Batez besteko tenperatura (ºC)	1.6	2.2	5.3	11.5	16.6	20.1	23.6	25.4	21.1	15.1	9.2	4.4	13.0
Batez besteko tenperatura minimoa (°C)	-1.8	-1.5	0.9	6.2	11.5	16.1	20.1	21.8	17.6	11.0	4.8	0.7	8.9
Pilatutako prezipitazioa (mm)	49.4	44.3	75.6	81.0	92.6	122.1	160.4	154.0	160.3	119.1	65.5	41.8	1166.0
Prezipitazio egunak (≥ ≧0.5mm)	10.8	9.0	10.0	8.7	9.7	11.8	14.7	11.4	12.3	9.6	8.1	9.2	125.2
Elur egunak (≥ ≧5cm)	9.9	6.7	2.4	0.2	0.0	0.0	0.0	0.0	0.0	0.0	0.2	3.0	22.9
Eguzki orduak	132.0	142.3	174.2	186.4	187.5	136.6	123.6	152.5	114.2	135.8	128.3	125.2	1738.8
Hezetasuna (%)	68	64	61	59	63	72	77	75	76	72	69	68	69
Iturria: Japan Meteorological Agency^[1]

Ekonomia

Nekazaritzari dagokionez zekaleak dira nagusi. Industriari dagokionez komunikazioekin loturiko jarduerak %50a hartzen du. Merkataritza berriz minorista da bereziki.