Grekoaren museoa

Grekoaren museoa
Datuak
Mota	Arte galeria, Museo-etxea, biographical museum (en) eta museoa
Herrialdea	Espainia
Agintea
Egoitza nagusi	«Toledo city»; Museo del Greco building;
Historia
Sorrera	1911
Sortzailea	Benigno de la Vega-Inclán (mul)
	webgune ofiziala;

Grekoaren museoa
	Museo del Greco
	Irudi gehiago
Kokapena
Estatu burujabe	Espainia
Autonomia	Gaztela-Mantxa
Probintzia	Toledoko probintzia
Udalerria	Toledo
Koordenatuak	39°51′22″N 4°01′44″W / 39.856°N 4.029°W
Historia eta erabilera
Irekiera	1911
Inaugurazioa	1911ko ekainaren 12a
Izenaren jatorria	Grekoa
Arkitektura
Azalera	1.461 m²
	Webgune ofiziala

Grekoaren museoa (gaztelaniaz: Museo del Greco), lehen Grekoaren Museo Etxea bezala ezaguna, Doménikos Theotokópoulos margolariari Toledo hirian (Espainia) eskainitako museo-etxea da. Grekoa bezala ezagunagoa, Kretan (Grezia) jaio baitzen, bere obraren zatirik handiena Gaztelako hiri horretan ekoitzi zuen. Erakundea 1911n inauguratu zen, artistaren ahalik eta koadro gehien biltzeko asmoarekin. Denbora luzean margolariak lan egiteko erabili zuen etxea zela pentsatu zen, baina birsorkuntza da.^[1] Kultura eta Kirol Ministerioari atxikitako museoa da, Arte Ederren Zuzendaritza Nagusiaren kudeaketa esklusibokoa.^[2] Museoan beste margolarien lanak ere badira: Luis Tristán, Raimundo Madrazo, Joaquín Sorolla.

Bilduma

Museoak gutxi gorabehera Grekok eginiko hogei bat mihise gordetzen ditu.H orien artean nabarmentzekoak dira Apostolutza multzoa, kontserbatzen diren guztien artean kalitaterik handienekotzat jotzen dena. Beste lan aipagarriak San Petriren malkoak, bertsio onenetako bat, Diego de Covarrubiasen eta bere anaia Antonioren erretratuak, San Bernardinoren Erretaula — Prado Museoak gordailuan utzitakoa — edo Toledoko bista eta planoa, agian erakundearen piezarik esanguratsuena. Era berean, 2021ean, Kultura Ministerioak Gurutziltzaketa obra erosi zuen Grecoren Museorako, kretarraren lehendabizikoa museoa sortu zenetik.

Museoak Luis Tristanen obra sorta bikaina ere badu. Tristan Grecoren dizipulurik onentzat jotzen da; bere lanetan bere maisuaren arrasto sendoa eta Erroman egindako prestakuntza-egonaldian ezagutu zuen Caravaggismoaren sustraiko naturalismoa batu zituen. Jasotako beste autore batzuk honako hauek dira: Jorge Manuel Theotocópuli, Grekoaren semea —, Alonso Sánchez Coello, Bartolomeo Passerotti, Francisco Herrera Zaharra, Juan Bautista del Mazo, Juan de Valdés Leal, Joaquín Sorolla eta Raimundo Madrazo.

Obra horietako 25, gutxienez, Pradoko museoak gordailuan utzi ditu.