Hérard Abraham

Hérard Abraham
Foreign Minister of Haiti (en) 2005eko urtarrilaren 28a - 2006ko ekainaren 9a Haitiko presidentea 1990eko martxoaren 10a - 1990eko martxoaren 13a ← Prosper Avril (en) - Ertha Pascal-Trouillot → Barne Arazoetako ministroa
Bizitza
Jaiotza	Port-au-Prince, 1940ko uztailaren 28a
Herrialdea	Haiti
Heriotza	2022ko abuztuaren 24a (82 urte)
Jarduerak
Jarduerak	politikaria eta diplomazialaria

Hérard Abraham (Port-au-Prince, 1940ko uztailaren 28a - Fermathe, Mendebaldeko departamendua, 2022ko abuztuaren 24a) haitiar militar eta politikaria izan zen. Haitiko jarduneko presidentea izan zen 1990eko martxoaren 10etik 13ra.

Gaztetan armadan izena emanda, teniente jeneralaren mailara igo zen. Jean-Claude Duvalier presidentearen gertuko zirkuluko militar gutxietako bat izan zen, baina 1986ko otsaileko estatu-kolpea babestu zuen. 1980ko hamarkadan, Informazio ministroa eta Kanpo Arazoetako ministroa izan zen Henry Namphyren gobernuan.

1990eko martxoaren 10ean Haitiko presidente bihurtu zen Prosper Avril presidentea erbestera joan ondoren. Hiru egun geroago, Ertha Pascal-Trouilloti utzi zion boterea bere borondatez. 1991ko urtarrilean estatu-kolpe saiakera bat zanpatzen lagundu zuen eta uztailean Jean-Bertrand Aristidek armadatik erretiratzera behartu zuen. Orduan Floridara joan zen.

2004an, Gérard Latortuek Barne ministro izendatu zuen, eta 2005etik 2007ra, berriz, Kanpo Arazoetako ministro. Jovenel Moïsek bost kideko batzorde bateko kide izendatu zuen 2019an, Haitirako konstituzio berri bat idazteko.

• Datuak: Q887405