Henri Pélissier

Wikipedia, Entziklopedia askea
Henri Pélissier

(1919)
Bizitza
Jaiotzako izen-deiturakJean Henri Auguste Pélissier
JaiotzaParisko 18. barrutia1889ko urtarrilaren 22a
Herrialdea Frantzia
HeriotzaDampierre-en-Yvelines1935eko maiatzaren 1a (46 urte)
Hobiratze lekuaCimetière de l'avenue Pierre-Grenier (en) Itzuli
Familia
Anai-arrebak
Hezkuntza
Hizkuntzakfrantsesa
Jarduerak
Jardueraktxirrindularia
Ibilbidea
TaldeakUrteak
La Sportive (en) Itzuli 1919-1921
Peugeot 1914-1914
 
Zerbitzu militarra
Parte hartutako gatazkakLehen Mundu Gerra

Henri Pélissier (1889ko urtarrilaren 22a - 1935eko maiatzaren 1a) txirrindulari frantziar bat izan zen, 1923ko Frantziako Tourra irabazi zuena. Bere karreran zehar lortutako 29 garaipenez gain, Frantziako Tourraren sortzailea izan zen Henri Desgrangekin izan zuen lehi luzeagatik ezaguna izan zen, baita txirrindulariek probaren lehen edizioetan jasan behar zituzten baldintza gogorren ondorioz eginiko protestengatik ere.

Biografia[aldatu | aldatu iturburu kodea]

Pélissierrek beste hiru anaia zituen, hauek ere, bera bezala, txirrindulari profesionalak izan zirenak. Henri Pélissier profesional bezala 1911n korritzen hasi zen, eta garaipen garrantzitsuak lortu zituen Lehen Mundu Gerraren aurretik, Milan-San Remo 1912an eta hiru etapa 1914ko Frantziako Tourrean horien artean.

Gerra Handiaren ondoren lehiatzen jarraitu zuen, Paris-Roubaix eta Bordele-Paris irabaziz 1919an eta Frantziako Tourrean izena emanez hurrengo bost urteetan. 1921eko Paris-Roubaix baino lehen, Henrik eta bere anaia Francisek euren babesleari txirrindulariek ohi kobratzen zuten miseria baino soldata handiago bat exigitu zioten. Euren eskaera ez zen onartua izan eta lasterketan txirrindulari independente bezala izen ematea aukeratu zuten, talde baten babesik eta finantzaziorik gabe. Desgrangek bere egunkaria zen l'Auton sekula gehiago ez zirela agertuko agindu zuen, soilik esandakoa jateko Henri garaile izandakoan. 1923 hasieran beste gatazka baten ondoren, Desgrangek "Pélissierrek sekula ez du Tourra irabaziko. Ez daki sufritzen" idatzi zuen. Pélissierrek, orduan, urte horretako Tourra irabazi zuen. Hurrengo urtean, Tourretik erretiratu zen justifikatu gabetzat jotzen zuen zigor baten ondorioz. Elkarrizketa batean, Tourraren baldintzengatik kexatu zen berriz "piztiak zirku batean bezala tratatzen gaituzte" esanez. Albert Londres kazetariak "errepideko presoak" izena sortu zuen, ordutik txirrindulariei eman zaiena.

Pélissier izaera bizikoa eta polemikoa izateagatik zen ezaguna, sarri taldekideak eta pelotoiko beste txirrindulari batzuk xaxatuz. 1928an erretiratu ondoren, bere izaera lehiakorrak bere bizitza endekapen azkar batera eraman zuen. 1933an, bere emazte Léonie desesperatu egin zen Henrirekin zuen elkarbizitzaren ondorioz, eta bere buruari tiro bat emanez suizidatu zen.

Bi urte beranduago, bere neskalagun berria zen Camille Tharaultek Pélissier arma berarekin hil zuen, Henrik Camillei eztabaida batean labankada bat eman ondoren.

Palmaresa[aldatu | aldatu iturburu kodea]

Sailkapen orokorra Itzuli Handietan[aldatu | aldatu iturburu kodea]

Itzuli Handia 1912 1913 1914 1915 1916 1917 1918 1919 1920 1921 1922 1923 1924 1925
Yellow jersey Frantziako Tourra UT UT 2 UT UT 1 UT UT
Legenda
Ez zuen parte hartu
DSK Deskalifikatua
UT Utzi

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]

Henri Pélissier - ProCyclingStats


Aurrekoa
Firmin Lambot
Frantziako Tourraren irabazlea
1923
Ondorengoa
Ottavio Bottecchia