Herripedia

QR kodea Odessan - Bristol Hotel izeneko eraikuntzaren aurreko aldean, interes berezia duen eraikuntza batean.

Wikitown project ingelesez, euskaraz Herripedia hitza erabili da, Wikipedia garatzeko proietu mota bat da, wikiproiektu mota bat. Herripedia wikiproiektu horien bidez, hiri, herri edo auzo bati buruzko artikuluak aberasten dira, hobetzen dira, tokiko pertsonaia ezagunei, monumentuei, eremu berdeei eta tokiko historiari buruzko artikuluak gehituz edo hobetuz...

Oro har, irabazi asmorik gabeko kultur elkarteek eta Wikipediako tokiko borondatezko wikilariek parte hartzen dute proiektua garatuko den arloarekin zerikusia duten artikuluak hobetzeko.

Proiektuaren zati garrantzitsu bat Wikipedia kaleetara eroatea da, kaleetara, parkeetara, monumentuetara. QR kodeak dituzten oholtxoak edo plakak grabatzen dira era toki estrategikoetan kokatzen dira. QR kode horien atzean Wikipediako artikuluak daude, eta QR kodea aldatu gabe, atzean dauden artikulu horiek guztiak etengabe hobetu daitezke. Gainera, Wikipediako beste hizkuntza guztietarako bidea zabaltzen dute.

Plaketan grabatutako QR kode horiek bisitariarentzat interes berezia duten eremuetan jartzen dira, parke, monumentu, museo, liburutegi, ikastetxe, interes bereziko zuhaitzen ondoa, eta interes berezi izan dezaketen hainbat tokitan.

Mota horretako proiektuak hainbat hizkuntzatako Wikipedietan garatu dira. Ingelesez, Monmouthpedia, Galesen 2012an garatutako proiektua, mota horretako lehen proiektua dela esan ohi da.

Honelako proiektuetan egindako irudiak

• 
  Derby Museoko margo baten etiketa, A Philosopher Lecturing on the Orrery Wikipediako artikulura lotzen duen QRpedia kodea erakusten duela. 2012ko otsailean 19 hizkuntzetara itzulia zegoen.
• 
  Etiketa bat Indianapolisko Haurren Museoan QRpedia kodea erabiltzen bisitariak Wikipediako Broad Ripple Park Carousel artikulura eramateko.
• 
  Zeramikako plaka QRpedia kodearekin Monmoutheko Shire Hall-ean, Monmouthpedia egitasmoaren barruan.
• 
  Esmaltezko ikurra QRpedia kodearekin Pragako Ama Birjinaren Jaiotzaren Elizan, Txekiar Errepublikan.
• Qrpedia kodeen erabilpena ukimen-mahai baten gainean erakusten duen bideoa. Ukimen-taula Samtidigt/Meanwhile erakusketan erabili zen Vasa Museoan, Stockholmen, Suedian.
• 
  QR kodeak eta letrak egurrean grabatzen, laser-grabagailu batekin.
• 
  QR kodeak eta letrak egurrezko oholetan grabatuta.
• 
  Informazioa ematen duen eta Wikipediarekin lotzen duen QR kode bat egurrezko oholtxo batean inprimatua, Donostiako Uliako parkean.
• 
  Amarapedia gerizpean eta auzolanean editatzen.
• 
  Amarapedia proiektuko idazkuna.
• 
  Amarapedia proiektuko eskuorria.
• 
  Amarapedia. Txapak.
• 
  (Ingelesez) Aurkezpen digitala pdf formatuan.
• 
  Tolosaldepedia proiektutik atera zen liburua, pdf formatuan.
• 
  Donostiapedia proiektutik atera zen liburua, pdf formatuan.

Ikus gainera

• Amarapedia (Donostia).
• Donostiapedia liburua.
• Freopedia (Australia).
• Gibraltarpedia (Gibraltar).
• Iurretapedia.
• Monmouthpedia (Gales).
• QRpedia.
• Tolosapedia.
• (Ingelesez) Toodyaypedia (Australia)
• (Ingelesez) York (Australia)

Kanpo estekak

• Datuak: Q120437489