Historia animalium (Gessner)

Historia animalium ("Animalien historia") Conrad Gessnerrek (1516-1565) Zurichen 1551-1558 artean argitaratutako liburu bat izan zen. Pizkundeko zoologiaren inbentario entziklopediko bat da. Gessner medikua eta irakaslea zen Zuricheko Carolinumen, Zuricheko Unibertsitatearen aurrekaria zena. Historia animalium liburuak Aristotelesen izen bereko liburuaren izen berbera darama, eta Aro Modernoan ezagutzen ziren animalia guztien deskribapena egiteko saiakera zen. Era berean, historia naturaleko lehenengo bibliografia eskaintzen du^[1]. Bost liburutan banatuta, 4.500 orrialde baino gehiago ditu. Animaliak ordena alfabetikoan eskaintzen dira, Erdi Aroko entziklopediatan ez bezala, entziklopedien "kontsultarako obra" funtzio modernoa zein den adieraziz^[2].

Erreferentziak[aldatu | aldatu iturburu kodea]

↑ «Rare Books» web.archive.org 2019-01-13 (Noiz kontsultatua: 2024-06-15).
↑ Flanders, Judith. (2020). A place for everything: the curious history of alphabetical order. Basic Books ISBN 978-1-5416-7507-0. (Noiz kontsultatua: 2024-06-15).