I Wanna Be Your Dog

I Wanna Be Your Dog
The Stoogesen musika-lana
Egilea(k)	The Stooges
Argitaratze-data	1969
Izenburua	I Wanna Be Your Dog
Ezaugarriak
Hizkuntza	ingelesa
Ekoizpena
Ekoizlea	baliorik ez
Hitzak	Dave Alexander (en) , Ron Asheton, Scott Asheton (en) eta Iggy Pop
Bestelako lanak
Musikagilea	Dave Alexander (en) Ron Asheton Scott Asheton (en) Iggy Pop

"I Wanna Be Your Dog" 1969an The Stooges rock talde estatubatuarrak grabatutako abestia da. Taldearen lehenbiziko diskoak izen horixe bera zuen, eta hantxe agertu zen. Hiru akordeko riff gogoangarri batek osatzen du kantuaren muina, etengabe errepikatzen dena hasieratik amaierara arte. Heavy metal eta punk estiloen aurrekari eta adierazgarri izan zen lortutako soinua.

Egiletza

John Cale ekoizleak (The Velvet Undergroundekoa) ekoitzi zuen, eta pianoa jo ere bai grabaketan. Gainerakoan, The Stooges-eko orduko lau partaideek sinatu zuten kantuaren egiletza, bai musika eta bai hitzak: Iggy Pop (Ahotsa), Ron Asheton (Gitarra), Dave Alexander (Gitarra), Scott Asheton (Bateria).

Bertsioak

Abestiak hainbat bertsio izan ditu rockaren historian. Besteak beste bertsioak egin dituzte diskoetan Billy Idol, David Bowie, Joan Jett and the Blackhearts, Sonic Youth, Slayer eta Parálisis Permanente (gaztelaniaz kantatua: "Quiero ser tu perro"). Zuzenekoetan ere erreportarioan sartu izan dute hainbatek, besteak beste Nirvana taldeak edo Sid Viciousek Sex Pistolsekin.

Euskal bertsioak

Euskal Herriko Las Vulpes taldeak pixkat eraldatutako bertsioa grabatu zuen gaztelaniaz, 1983an: "Me gusta ser una zorra". Beraien single bakarra eta kantu ezagunena izan zen, eta zentsuraren poderioz, ezagunena ere bai.

Gernikako Fosa Comun taldeak euskarazko bertsioa egin zuen 1991an ("Zure txakurra izan nahi dut"). Gernika Rock 91 izeneko talde askoren bilduman grabatua agertu zen.

Kanpo estekak

• Datuak: Q953151