Ignazio Urkixo

Ignazio Urkixo
Bizitza
Jaiotza	Bilbo, 1907ko otsailaren 26a
Herrialdea	Bizkaia, Euskal Herria
Heriotza	Markina-Xemein, 2002ko urtarrilaren 16a (94 urte)
Hezkuntza
Hizkuntzak	gaztelania; euskara
Jarduerak
Jarduerak	diplomazialaria
Jasotako sariak	ikusi Elisabet Katolikoaren Ordenaren Gurutze Handia (1968) ;

Ignazio Urkixo Olano (Bilbo, Bizkaia, 1907ko otsailaren 26a - Markina-Xemein, Bizkaia, 2002ko urtarrilaren 16a) euskaltzalea eta diplomatikoa izan zen.

Biografia[aldatu | aldatu iturburu kodea]

Deustuko Unibertsitatean hasi zituen zuzenbide ikasketak eta Frantzian eta Ingalaterran jarraitu. 1954. urtean Bizkaiko Foru Aldundiko Kultura Batzordeko lehendakariorde izendatu zuten, 1957an Euskalerriaren Adiskideen Elkarteko zuzendari, 1942an berak sortu zuen Instituto Vascongado de Cultura Hispánica elkarteko ohorezko lehendakari, eta 1957an Bilboko Ateneoko lehendakari. Espainiako enbaxadore izan zen Quiton, Bizkaiko gobernadore izateko proposamena, Francoren gobernuak egina zuena, Javier Ybarraren eraginez onartu ez zenean.

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.