Izabako oroipenaren etxea

Wikipedia, Entziklopedia askea
Izabako oroipenaren etxea
Map
Kokapena
Arkitektura
Deskribapena
Irekitze data2008ko urtarrila
Webguneahttp://www.isabacasadelamemoria.com

Izabako oroipenaren etxea (gaztelaniaz: "Casa de la memoria"; frantsesez: "La maison de la mémoire") herri nafar hartako museo etnografikoaren izena da, 2008ko urtarrilean zabaldutakoa.

Erronkari eta Barétouseko ibarrek (Bearno) abian ipinitako "Pax Avant" egitasmoaren barruan dago, Eretako "Maison de la mémoire/Ostau dera memòria" museoarekin batera, Piriniotako alde bietako elkarlana sustatuz.

Museoaren edukia[aldatu | aldatu iturburu kodea]

Oroipenaren Etxea hiru solairutan banatuta dago: Beheko solairuan edo lehendabizikoan harreragunea eta "Ibarraren izpiritua" eta "Sukunearen epelean" izeneko gelak topa daitezke. Lehenengo gelan sarrerako informazio orokorra ematen dute, eta bigarrenean erronkariar etxeen sukaldearen funtzioa azpimarratzen duten bitartean.

Bigarren solairuan, "Joandako garai baten oroitzapena" izeneko atalean Erronkariko berezko egitura administratiboa gogorarazten du. "Izaera librea" atalean, berriz, ibaxaren historia, jantziak eta artzaintza jarduera ikusgai eta irakurgai daude. "Ezkako zaldikoak" atalean, bertzela, almadiazainen nondik-norakoak azaltzen dituzte.

Goiko solairuan (sabaiaoan), "Hizkuntzaren xendak" atalean erronkarierazko grabazioak entzungai daude, Erronkariko Uskara delakoaren informazioarekin batera. Bertzela, ezpartinak egitera Maulera joandako erronkariar neskak gogorarazten dituzte, eta "Eskolatik ateratzean" atalean eskola zaharrak eta antzinako jolasak erakusten dituzte. Azkenik, musika eta dantzen aipamena egiten dute.

Kanpo estekak[aldatu | aldatu iturburu kodea]

Euskarazko Wikipedian bada atari bat, gai hau duena:
Euskal Wikiatlasa