Jack Rackham

Wikipedia(e)tik
Hona jo: nabigazioa, Bilatu

Jack Rackham (1682-1720), Kaliko Jack bezala ezaguna, kapitain pirata ingeles bat izan zen XVIII. mendean. Bere ezizena zeramatzan kalikozko arropengatik jaso zuen, baina ospetsuagoa izan zen bere itsasontzian bi emakume piratarik ospetsuenetako batzuk eramateagatik: Anne Bonny eta Mary Read.

Jack Rackhamen bandera.
Jack Rackham.

Rackham Charles Vane kapitain pirataren kontramaisua izan zen. Vanek gudu batean zehar gerraontzi frantziar bat jazartzeari uko egin zionean, tripulazioak hain nahigabe handia hartu zuen, matxinatu egin zela eta Rackham euren lider bezala izendatu zuela.

Beranduago, Rackhamek errege barkamen eskaintza bat onartzea erabaki zuen eta New Providenceko porturantz nabigatu zuen. Hango bere egonaldian, Rackham Anne Bonny izeneko emakume ezkondu batez maitemindu zen. Rackhamek arpilatutako gauza ugari Annegan inbertitu zituen. Beranduago, Burgess kapitainaren tripulaziora batu zen, hau ere antzinako pirata eta garai horretan kortsarioa Karibe itsasoan espainiar itsasontzien bila.