Jitsi

Wikipedia, Entziklopedia askea
Jump to navigation Jump to search
Logo Jitsi.svg Jitsi
Jitsi Meet - GUI.png
Jatorria
Sorrera-urtea 2003
Azken bertsioa 2.10
Honen izena darama Instalazio elektriko
Ezaugarriak
Euskarria Java Virtual Machine Itzuli
Programazio-lengoaia Java
Irakur dezake GNU/Linux Itzuli, BSD Itzuli, Microsoft Windows, macOS eta Plataforma-anitz
Lizentzia Apache Lizentzia 2.0.
Euskaraz
Euskaraz Ez
jitsi.org
Iturri-kodea https://github.com/jitsi/jitsi eta git://github.com/jitsi/jitsi.git

Jitsi (lehenago SIP Communicator) bideokonferentzia, VoIP eta bat-bateko mezularitzako aplikazio bat da. Sistema eragile ohikoenekin badabil.

Bat-bateko mezularitzako eta telefoniako hainbat protokolorekin bateragarria da. GNU Lesser General Public License pean argitara eman zen. Jitsi software librea eta kode irekikoa da.

Jitsi hainbat webgune plataformarako, eta haibat sistema eragiletarako aukerak ematen ditu: Windows, Linux, Mac OS X eta Android sistemetarako ahots multiplataforma librea (VoIP), bideokonferentzia eta berehalako mezularitza aplikazioen bilduma da.

Jitsi proiektua Jitsi Desktopekin hasi zen (lehenago SIP Communicator izenarekin ezagutzen zen). Hazkundea, batez ere, WebRTC, proiektuari esker lortu zuen. Geroago, taldeak Jitsi Meet gehitu zuen, ziur aski Jitsi taldeko aplikaziorik ezagunena.

Jitsi Meet Interneteko webguneetan, Android eta iOS bezeroak biltzen dituen bideokonferentziarako aplikazio osoa. Jitsik, besteak beste, eskaintzen du meet.jit.si bezeroa, Jitsik antolatutako komunitatearentzat doako zerbitzua. (Software librearen komunitatean komentatu egin dute mezularitza zerbitzu batean hirugarren baten zerbitzaria erabiliz gero, meet.jit.si kasu, zifratze sistema ezin dela hain segurutzat jo[1].

Taldean beste proiektu batzuk ere badaude; Jigasi, lib-jitsi-meet, Jidesha eta Jitsi izena duena.

Jitsik hainbat erakunderen laguntza jaso du, hala nola NLnet Fundazioarena, Estrasburgoko Unibertsitatearena eta Alsazia Eskualdeetako laguntza. Google Summer of Code programan ere parte-hartze ugari izan ditu.

2014ko azaroaren 4an, "Jitsi + Ostel "-ek 7 puntutik 6 puntu lortu zituen Electronic Frontier Fundazioaren mezularitza-txartel seguruaren puntuazio sistemaren arabera. Puntu bat galdu zuten kode auditoria independentea aspaldi egin gabe zeukatelako.

Jitsi proiektu nagusiak[aldatu | aldatu iturburu kodea]

Jitsi Meet. Talde batean antolatutako bideokonferentziarako pantaila argazki bat. Pantailaren beheko aldean bideokonferentzian parte hartzen ari zirenen aurpegiak ikus daitezke.
Jitsi bidez egindako konferentzia bateko pantaila-argazkia.

Githuben Jitsik kode irekiko biltegi asko ditu. Proiektu nagusiak honako hauek dira:

  • Jitsi - SIP, XMPP / Jabber, AIM / ICQ eta IRC bezalako protokoloak onartzen dituen audio, bideo eta txat komunikatzailea.
  • Jitsi Meet - Debian / Ubuntu zerbitzarietan instalazio azkarra diseinatzeko bideo konferentziarako zerbitzaria. Agian proiekturik ezagunena.
  • Jitsi VideoBridge - WebRTC Selective Forwarding Unit motorra, aldi bereko hainbat parte-hartzaile eta sistemen arteko (bideo)konferentziak antolatzeko. Bideokonferentziak antolatzeko eta kudeatzeko aukera ona da, Internetaren bidez bideo komunikazioa ahalbidetzen du.
  • Jigasi - zerbitzarietan ezartzeko aplikazioa. Alboko aplikazio honi esker, SIP bezero ohikoek Jitsi VideoBridgek antolatutako Jit Meet bideokonferentzietan parte hartu ahal izango dute.
  • lib-jitsi-meet - Jitsi Meet horri pertsonalizatutako interfazea emateko aukera, JavaScript bidez eraikia.
  • Jidesha - Jitsi Meeteko Google Chrome eta Firefox arakatzaileentzako gehigarria.

Jitsi Meet[aldatu | aldatu iturburu kodea]

Bideo-txata Jitsi Meeten. Pantailan leiho txikiagoak ikus daitezke, parte hartzaileen irudia ikusteko, bideo-kamerak erabiliz gero. Bideo eta guzti edo audioarekin bakarrik egiteko aukera.

Kode irekiko JavaScript lengoaiaz eraikitako WebRTC aplikazioa da eta bideokonferentziarako erabil daiteke. Android, Mac OS X, Windows eta Linuxekin sistema eragileekin bateragarria da. Ezin da mahaigaina eta aurkezpenak partekatu eta esteka bakar batekin kide berriak gonbidatu daitezke bideokonferentzietara.

Arakatzaile batean zuzenean erabil daiteke edo aplikazioa deskargatu. Telefono, tableta eta mahai gaineko ordenagailuetan software libreak eskaintzen dituen aukera erabilienetakoa da.

« Duela bi egun asanblada telematikoa egin genuen auzokoen artean Jitsi Meet erabiliz. Arazorik ez, Debian, Windows, mobil aplikazioak, nabigatzaile ezberdinak... danak batera eta ondo, ... Baina normala da zerbitzaria gainezka egotea bai, instantzia ezberdinak sortzea izango zen hoberena... baina hori be, ez da erraza. »

—luu. Hezkuntzan ere Librezale foroan, (2020-03-16).


Ezaugarriak[aldatu | aldatu iturburu kodea]

  • Ez da kontua sortu behar, (bideo)konferentzia bat sortzeko honi izen bat eman eta esteka partekatzea nahikoa da.
  • Ez da software instalazio berririk behar.
  • Komunikazio zifratua eskaintzen du, baina datuak garraiatzerako orduan zifratzen badira ere, zerbitzarian deszifratu egiten dira: norberak kontrolatzen ez duen zerbitzari bat erabiltzen bada, esaterako meet.jit.si, ezin da sistema hau erabat zifratutzat jo[2].

Historia[aldatu | aldatu iturburu kodea]

Jitsi (hasieran SIP Communicator) 2003an plazaratu zen Estrasburgoko Unibertsitateko Emil Ivov ikaslearen proiektu akademiko legez. Jatorrian bideo telefono proiektu gisa aurkeztu zen JAIN-SIP batzarrean. Geroago proiektua hauspotu eta garatu egin zen.

2009an, Emil Ivov berak BlueJimp konpainia sortu zuen eta bertan Jitsiko kolaboratzaile nagusietako batzuk lanean hasi ziren.

2011n, XMPPren Jingle luzapenetan audio / bideo komunikazioetarako laguntza gehitu ondoren, egitasmoak Jitsi izena hartu zuen. Hemendik aurrera ez zen "SIP Communicator" izango, Jitsi baizik. Izenaren jatorria Bulgariera " жици " (hariak, oihalgintzatik komunikazioetara ekarri den hitza, munduko hainbat hizkuntzatan).

Jitsik VideoBridge[3] jarri zuen 2013an, morta askotako bideoekin egin beharrekoak, beharrezkoak ziren eragiketak, egiteko bere Jitsi bezeroekin batera, Selective Forwarding Unit (SFU) arkitektura berria erabiliz. 2013. urte hartan, hasierako laguntza JitsiVideobridge-ri gehitu zitzaion arakatzailetik WebRTC deitzea baimendu zuen. JitsiVideobridge produkzio zerbitzu gisa nola erabil daitekeen erakusteko, BlueJump-ek bere ostatatutako sistema doako erabilera eskaini zuen meet.jit.si.

Jitsi erabiltzeko doaneko zerbitzu batzuk[aldatu | aldatu iturburu kodea]

Jitsi zerbitzu deszentralizatua da. Enpresa eta norbanako batzuek lekutxoa egin diote euren zerbitzarietan eta zerbitzua doan partekatzeko aukera asko topa daitezke online. Gero eta gehiago[4].

Hona hemen zerrendatxo bat. (Letra lodiz Euskal Herritar batzuek partekatutakoak).

Doako zerbitzu ireki batzuk:

Erreferentziak[aldatu | aldatu iturburu kodea]

  1. (Ingelesez) «Is Jitsi Meet end-to-end encrypted? · Issue #409 · jitsi/jitsi-meet» GitHub . Noiz kontsultatua: 2020-03-14.
  2. (Ingelesez) «Is Jitsi Meet end-to-end encrypted? · Issue #409 · jitsi/jitsi-meet» GitHub . Noiz kontsultatua: 2020-03-14.
  3. (Ingelesez) Deskargatu Jitsi VideoBridge. .
  4. «KomunikazioEtaElkarlanerakoTresnak - Librezale.eus» librezale.eus . Noiz kontsultatua: 2020-04-04.

Kanpo estekak[aldatu | aldatu iturburu kodea]