Joan Tarazonakoa
| Joan Tarazonakoa | |||
|---|---|---|---|
1205eko abendua - ← Gartzea Fernandez (apezpikua) - Espareg de la Barca → Elizbarrutia: Iruñeko elizbarrutia | |||
| Bizitza | |||
| Herrialdea |  Nafarroako Erresuma | ||
| Heriotza | Erroma, 1211ko irailaren 2a | ||
| Jarduerak | |||
| Jarduerak | apaiz katolikoa eta apezpiku katolikoa | ||
| Sinesmenak eta ideologia | |||
| Erlijioa | Erromatar Eliza Katolikoa | ||
Joan Tarazonakoa (Nafarroako Erresuma, ? – Erroma, 1211ko irailaren 2a) nafar elizgizona izan zen[1].
Gazte-gaztetik Iruñeko katedralean hezia, Petri Artaxoakoa apezpikuaren idazkaria izan zen eta baita Done Mikel in Excelsis santutegiaren abadea eta artxidiakonoa ere. Martin Tafallakoa apezpikuaren alde eta Antso VI.aren kontra egin zuenez, erregearekin harreman txarrak izan zituen[2].
Erregea hilda, 1205ean Antso VII.ari esker, Iruñeko apezpiku hautatu zuten, elizbarrutiaren zorrak kitatzeko helburuarekin hautatua ere. Kabildoak ez zuen bere izendapena begi onez ikusi eta simoniaren akusaziopean salatu zuen. Inozentzio III.ak kabildoaren alde egin zuen baina kabildoak, erregeak mehatxatuta, ez zuen ordezko bat hautatu[3]
Tartean apezpikuak kabildoren oniritzirik gabe erabakiak hartu zuen: 4.000 oboloen truke Martin Perezi artxidiakonotza eta Elizaren hainbat lur saldu zituen, tartean Deio eta Uharteko gazteluak erregeari emanez[2].
1209an kabildoko kanonikoek erregearen aurka egin zutenez, honek gehienak erbestearazi zituen[3]. 1210ean apezpikua Erromara joan zen epaimahaiaren aurrean izateko baina epaia eman baino lehen hil zen[2].
Erreferentziak
[aldatu | aldatu iturburu kodea]- ↑ 1704an José Moretek (Anales de Navarra, XX. lib., IV. kap, § III Tarazonakoa familiaren abizena besterik ez zela adierazi zuen
- ↑ a b c Goñi Gaztanbide, José. Los obispos de Pamplona del siglo XIII. , 56-64 or..
- ↑ a b Fernández Pérez, Gregorio. (1820). Historia de la iglesia y obispos de Pamplona. I, 296-307 or..
| Aurrekoa Gartzia Fernandez |
Iruñeko apezpikua 1205 – 1211 |
Ondorengoa Espareg de la Barca |
Datuak: Q9016164