José María Arrate

Wikipedia, Entziklopedia askea
Jump to navigation Jump to search
José María Arrate Llosa
José María Arrate


1994ko ekainaren 8a – 2001eko ekainaren 1a
Aurrekoa José Julián Lertxundi
Ondorengoa Javier Uría

Jaiotza 1940ko irailaren 16a (78 urte)
Bilbo,  Bizkaia
Lanbidea Enpresaria
Egoitza Orozko

José María Arrate Llosa (Bilbo, 1940ko irailaren 16a) Athletic Clubeko presidentea izan zen 1994ko ekainaren 8tik 2001eko ekainaren 1era arte.

Ardogintzan eta eraikuntzan enpresaria, Beti Duñabeitia presidentea zela, Athleticeko zuzendaritza-batzordean sartu zen. Pedro Aurtenetxeren agintaldian, presidenteordea izan zen.

1990ean hauteskundetara aurkeztu eta José Julián Lertxundik menderatua izan zen. 1994an, berriz, Arratek 8.089 boto (bazkideen %46a) lortu eta hauteskundeak irabazi zituen[1].

Bere agindupean, klubak hainbat fitxaketa egin zituen (Bittor Alkiza, Jon Andoni Goikoetxea, Joseba Etxeberria, Bixente Lizarazu, Mikel Lasa, Ismael Urzaiz, Rafael Alkorta edo Roberto Ríos) eta 1997an UEFA Koparako sailkapena lortu zuen. Horri esker, urte hartan berriro hauteskundeak irabazi zituen.

Bigarren agintaldian fitxaketak egiteari ere ekin zion (Andoni Imaz, Pablo Orbaiz, Tiko edo Santi Ezquerro) baina ez zuen hainbeste kirol emaitza on lortu.

2001ean ez zen hauteskundetara aurkeztu[2] eta Javier Uriak ordezkatua izan zen. Politikoki beti EAJrekin lotura estua izan du, alderdi honen hainbat ekitaldi sostengatuz[3]

Erreferentziak[aldatu | aldatu iturburu kodea]