Joël Shapiro

Joël Shapiro
	; Irudi gehiago
Bizitza
Jaiotza	New York, 1941eko irailaren 27a (83 urte)
Herrialdea	Ameriketako Estatu Batuak
Familia
Ezkontidea(k)	Ellen Phelan (en)
Hezkuntza
Heziketa	Steinhardt School of Culture, Education, and Human Development (en) ; New Yorkeko Unibertsitatea ; (1964 -
Hizkuntzak	ingelesa
Jarduerak
Jarduerak	eskultorea, artista, margolaria, Irarlea eta marrazkilaria
	Parte-hartzailea documenta 7 (en) ;
Lantokia(k)	New York
Lan nabarmenak	ikusi Untitled (en) ;
Jasotako sariak	ikusi Rome Prize ;
Kidetza	Ameriketako Estatu Batuetako Arte eta Letren Akademia; Peace Corps (en)
Mugimendua	arte abstraktua
Genero artistikoa	arte abstraktua

Joël Shapiro (New York, 1941eko irailaren 27a) estatubatuar eskultorea da.

Sorterrian egin zituen arteko ikasketak. 1970ean egin zuen bakarkako bere lehen erakusketa Paula Cooper galerian. Shapiroren hasierako lanetan garai hartan artean nagusitzen ari zen joera minimalistaren kutsua nabarmentzen da, molde geometriko soilak eta bere lanen osagaiak oinen gainean jarri ordez zuzenean lurrean jartzeak erakusten duenez. Dena dela, eta oro har, joera horrekin lotua izan bada ere, ezin uka daiteke minimalismotik urrundu zela zenbait ezaugarritan. Adibidez, bere obra figuratiboetan erreferentzia psikologiko garbiak erakusten ditu, eta ildo narratibo garbi bati jarraitzen dio. Teknika eta materialetan ere aldendu zen minimalismotik, brontze urtua edo harri landua erabiliz osatu baitzituen bere obrak. 1980-1990 hamarraldietan zurezko eskulturak landu zituen nagusiki, material horrek eskaintzen zizkion aukera plastiko apartengatik. Garai horretako bere obretan, bai brontzezkoetan bai zurezkoetan, lauki zuzen trinkoak agertzen dira osagai nagusitzat, grabitate-indarrari aurre egiten dioten konposizio dinamikoetan. Aipagarria du, besteak beste, Izengabea (1991) eskultura, brontzez egindako irudi hustua. Shapirok hainbat sari lortu ditu bere karreran zehar, eta munduko areto nagusietan egin ditu erakusketak. Bere obrak nazioarteko bilduma ospetsuenetan jasota daude.

Erreferentziak

Wikimedia Commonsen badira fitxategi gehiago, gai hau dutenak: Joël Shapiro

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q461178
Multimedia: Joel Shapiro / Q461178