Juantxo Koka

Koka
Izen osoa:	Juan de la Coca Perez
Jaiotza data:	1973ko martxoaren 18a (51 urte)
Jaioterria:	Altza, Donostia (Gipuzkoa)
Pilotaria
Modalitatea:	esku huskako pilota
Postua:	Aurrelaria
Altuera:	1,86 m
Pisua:	90 kg
Debutatze data:	1993ko martxoaren 7a
Debutatze pilotalekua:	Astelena pilotalekua

Artikulu hau pilotariari buruzkoa da; beste esanahietarako, ikus «Koka (argipena)».

Juan de la Coca Perez, pilota arloan Juantxo Koka izen-deiturez ezaguna (Altza, Donostia, Gipuzkoa, 1973ko martxoaren 18a) esku huskako pilotari profesional ohia da, 2003ko txapelduna izan zen Binakako Txapelketa Nagusian, Ruben Beloki lagun zuela.

Aurrelari jokatzen zuen. Estatistika ofizialetan jasota dagoenez, 1,86 metro luze da, eta 90 kilo pisatzen zuen. Profesionaletako estreinako partida 1993ko martxoaren 7an jokatu zuen, Eibarko Astelena pilotalekuan. 1997an bigarren mailako buruz buruko txapela irabazi zuen. Garaipenik handiena 2003an lortu zuen, Ruben Beloki lagun zuela Binakako Txapelketa Nagusia irabazi baitzuen. 2009an Asegarce enpresak ez zion kontratua berritu, eta Garfek fitxatu zuen.

Kirol lorpenak

Profesionaletan:

• Binakako Txapelketa Nagusiko txapelduna: 2003
• Bigarren mailako buruz buruko txapelduna: 1997
• Bigarren mailako binakako txapeldunordea: 1998

Amateurretan:

• Diario Vasco torneoko bigarrena: 1991
• Elgetako lau eta erdiko torneoko bigarrena: 1991

Binakako txapelketa nagusiko finalak

Urtea	Txapeldunak	Txapeldunordeak	Tantoak	Pilotalekua
2003	Koka - Beloki	Olaizola II.a - Pascual	22-15	Atano III.a

Bigarren mailako buruz buruko finalak

Urtea	Txapelduna	Txapeldunordea	Tantoak	Pilotalekua
1997	Koka	Goñi II.a	22-20	Atano III.a

Erreferentziak

• Datuak: Q6743148