Julian Gaiarre museo-etxea

Wikipedia, Entziklopedia askea
Julian Gaiarre museo-etxea
Kokapena
Herrialdea  Euskal Herria
Probintzia  Nafarroa
Herria Erronkari
Koordenatuak 42° 49′ N, 0° 58′ W / 42.81°N,0.96°W / 42.81; -0.96Koordenatuak: 42° 49′ N, 0° 58′ W / 42.81°N,0.96°W / 42.81; -0.96
Historia eta erabilera
Irekiera1990eko urtarrilaren 2a
Arkitektura
Webgunea http://www.juliangayarre.com/

Julian Gaiarre museo-etxea Nafarroako Erronkaribar haraneko Erronkari udalerrian dagoen museo bat da. Julian Gaiarre erronkariar opera abeslari ospetsuari buruzko museoa da eta antzina haren jaiotetxea egon zen lekuan dagoen gaur egungo eraikinean.

Kokalekua[aldatu | aldatu iturburu kodea]

Erronkariko herrigunean dago, Arana kalean.

Historia[aldatu | aldatu iturburu kodea]

1989an Julian Gaiarre Fundazioa sortu zen eta 1990ko urtarrilaren 2an museoa inauguratu zen, hain zuzen ere, Gaiarreren heriotzaren 100. urteurrenean. Fundazioaren egoitza eraikin berberan dago.

Museoa[aldatu | aldatu iturburu kodea]

Museoa Julian Gaiarre Fundazioarena da (Fundazioa Gaiarreren familiak, Erronkariko Udalak eta Nafarroako Gobernuak osatzen dute). Entitate honek erronkariar famatuaren memoria bizirik jarraitzen laguntzen duten tenorearen hainbat eta hainbat objektu pertsonal, oroigarri eta trofeo bildu ditu museoan.

Ikusgai dagoen bilduman dauden objetuen artean Gaiarrek Lucrecia Borgia, La Favorita, Il Trovatore eta Rigoletto operetan erabilitako jantziak, ileordeak, osagarriak, koroak edo metalezko apaingarriak daude. Horretaz gain, museoak partikularrek egindako dohaintzei esker etengabe aberasten ari den eta Gaiarreren nahiz opera munduaren inguruko dokumentazio ugari gordetzen duen prentsa- artxibo garrantzitsua du.

Museoa milaka pertsonek bisitatzen dute urtero. Horien artean, izan zuen oihartzunagatik bereziki aipagarria, 1998ko abenduaren 6an Alfredo Kraus kanariar tenoreak egindako bisitaldia dago.

Kanpo estekak[aldatu | aldatu iturburu kodea]