Kondairaren zubia

Kondairaren zubia
	Monumentu historikoa
	Irudi gehiago
Kokapena
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Akitania Berria
Departamendua	Pirinio Atlantikoak
Barruti	Oloroe-Donamariako barrutia
Kantonamendu	Salbaterra Bearnoko kantonamendua
Frantziako udalerri	Salbaterra Bearno
Koordenatuak	43°23′49″N 0°56′27″W / 43.3969°N 0.940813°W
Gurutzatzen du	Oloroeko uhaitza
Ondarea
Mérimée ID	PA00084528

Kondairaren zubia (frantsesez: pont de la Légende) Salbaterra Bearnon dagoen zubi gotortua da, Oloroeko uhaitza zeharkatzen duena. XII. mendean eraikia, 1886an monumentu historiko izendatu zuten.^[1]

Historia

XIII. mendean Gaston VII.a Biarnokoak eta hurrengo mendean Gaston Febusek zaharberritua, zubia Nafarroako Erresumarako bidean zegoen. Hasieran zurezko zolua izaten zuen baina epeka epeka gotortu zuten eta Glère uharterako bidea babestu zuen.

Réclusy eta Miéy de la Glèreko zubiekin batera, Salbaterran Oloroeko uhaitza zeharkatzen zuten hiru zubietako bat izaten zen. Lehen zubi nagusi eta gero ospitalekoa deitua, 1732ko ur-goraldiari eutsi zion bakarra izan zen.

Kondaira

1170ean Gaston V.a Biarnokoa hil zenean, jendaurrean Antsa Iruñekoa alarguna seme jaioberria hil egiteagatik salatu zuten. Antso VI.a Nafarroakoa erregeak, Antsaren neba, bere errugabetasuna edo erruduntasuna erabakitzeko uraren proba eman zuen epai.

Ordali edo Jaungoikoaren epaiketa zubian egitea erabaki zuten eta 3.000 lagun bildu ziren zubi ondoan. Antsa, eskuak eta oinak loturik zituela, uhaitzera bota eta, ur-lasterrak ertzen utzi zuen. Jendetzak Antsaren errugabetasuna aitortu eta, Ama Birjinaren laguntza hel egin zuenez, Antsak soingaineko bat brodatu zuen.