Maider Galardi

Maider Galardi
	;
Bizitza
Jaiotza	Lasarte-Oria, 1995eko otsailaren 8a (29 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea
Hizkuntzak	euskara; gaztelania
Jarduerak
Jarduerak	kazetaria eta ikertzailea

Maider Galardi Fernandez de Agirre (Lasarte-Oria, 1995eko otsailaren 28a) kazetari eta ikerlari lanetan diharduen feminista da.^[1]

Biografia[aldatu | aldatu iturburu kodea]

EHUn soziologiako gradua eta Ikasketa Feministen eta Generokoen masterra ikasita ditu eta ikasketa feministen programan doktoregaia da.

Berria egunkarian aritua, eta, BerriaFM podcast feministako gidaria^[2] Batik bat politika gaiak lantzen ditu ikuspegi feministatik, eta euskal gatazkaren ondorioei heltzen die begirada horretatik, orain arte ertzean egondako subjektuei ahotsa eman asmoz.^[3]

Pikara Magazine aldizkari feministan zutabeak idatzi ditu.^[4]

Sudergintza taldeko partaidea da, bere lan ildoak:^[3]

Ikerketa feminista gatazkan eta bakegintzan.
Gaurkotasunaren analisi politikoa eta Komunikazioa.

"Askotarikoa da pairatutako biolentzia, eta hori alde guztietako andreek bizi izan dute"

Feminista[aldatu | aldatu iturburu kodea]

Hamahiru edo hamalau urterekin, kuadrillako lagunekin batera hasi zen Maider feminismoari buruzkoak irakurtzen. Urtebete beranduago, hamabost urterekin ikuspegi feminista barneratuta, militantziari ekin eta Mugimendu Feministaren parte izanda, gero egindako ikasketa eta lanak kezka horretatik ere abiatuta egin ditu. Berriako erredakzio lanetan zein Klitto! atari digitalean feminismotik landu ditu gaiak, eta bere doktoretza tesian Euskal gatazka ikuspegi feministatik ikertzen ari da.^[2]

Oso beharrezkoa iruditzen zait mundua euskaraz eta feminismoaren begiradatik kontatzea; radar hori aktibatuta edukiko ez banu, zerbait faltako litzaidakeela sentituko nuke

Txiotesia[aldatu | aldatu iturburu kodea]

Txiotesia lehiaketan parte hartu zuen.^[5] Oso dibertigarria eta interesgarria iruditu zitzaion. Lanerako eta aisirako erabiltzen du Twitter, eta gaia ezagutarazteko aukera aproposa izan zen. Sintesi ariketa bat ere bai, eta lan akademikoa modu dibulgatiboago batean nola azaldu pentsatzeko dinamika ona iruditu zitzaion. Egiten ari diren beste ikerketen berri izateko ere egitasmo bikaina suertatu zitzaion.^[1]