Manto Mavrogenous

Manto Mavrogenous
	; Irudi gehiago
Bizitza
Jaiotzako izen-deiturak	Μαγδαληνή-Αδαμαντία Μαυρογένη
Jaiotza	Trieste, 1796
Herrialdea	Grezia
Heriotza	Paros, 1848ko uztaila (43/44 urte)
Leinua	Mavrogheni
Hezkuntza
Hizkuntzak	greziera
Jarduerak
Jarduerak	politikaria eta militarra
Gradua	jeneral

Manto Mavrogenous (grezieraz: Μαντώ Μαυρογένους) (1796 - 1848) emakumezko heroi greziar bat izan zen Greziako Independentzia Gerran. Emakume oso aberatsa zen familiaz, eta diru guztia inbertitu zuen bere herriaren independentziaren alde.

Lehen urteak

Manto Mavrogenous jaio zen Triesten, Habsburgotarren Austria zen lurralde batean, gaur egunean Italia, familia greziar aberats baten baitan.

Argien Garaiko emakume ikasia izan zen, eta besteak beste antzinako greziar filosofia eta historia ikasi zituen Triesteko unibertsitatean. Grekeraz gain, frantsesa, italiera eta turkiera menderatzen zituen.

Independentzia gerra

1821. urtean Greziako Independentzia Gerra hasi zenean, bere familiaren jatorrizko lurraldera, Mikonos uhartera joan zen, eta han untzi eta soldadu taldeak finantziatzen hasi zen, independentziako gerran laguntzeko.

Bere untzi eta konpainiak hainbat kanpainatan hartu zuten parte: 1821 eta 1822. urteetan Zikladetan eta beste zenbait uhartetan, eta 1823. urtetik, Peloponesoan. Dimitrios Ypsilantis independenisten buruzagi greziarrekin ezkontzekotan izan zen, baina konpromisoa hautsi ostean pobrezian bizi izan zen Nauplio hirian.

Gerra amaitzean, Grezia berriko lehen estatuburuak, Ioannis Kapodistriasek, lotinante-jeneralaren titulua eman zion.

Datuak: Q269970
Multimedia: Manto Mavrogenous / Q269970