Margaret Harrison

Wikipedia, Entziklopedia askea
Jump to navigation Jump to search
Margaret Harrison
Bizitza
Jaiotza Wakefield, 1940 (78/79 urte)
Herrialdea  Erresuma Batua
Hezkuntza
Heziketa University of Cumbria Itzuli
Royal Academy of Arts Itzuli
Jarduerak
Jarduerak artista plastikoa
Mugimendua arte feminista

Margaret Harrison (1940, Wakefield, Yorkshire, Erresuma Batua) artista eta feminista ingelesa da, bere obretan baliabide eta gai ezberdinak lantzen dituena.

Bizitza eta obra[aldatu | aldatu iturburu kodea]

Margaret Harrisonek Carlisleko Arte Eskolan ikasi zuen 1957tik 1961era; eta Londresko Royal Academy Schoolsen 1961etik 1964ra, Ingalaterran. Gero, Perugiako Arte Ederretako Akademian eskuratu zuen gradua, Italian, 1964an.

Londresko Women’s Liberation Art Group taldearen sortzaileetako bat izan zen 1970ean. 1971n, erakusketa itxi zion poliziak, Hugh Hefner Playboy aldizkariaren sortzailea untxitxo baten gisa irudikatuta zuen pieza bat zuelako. Gizarte mugimenduak arte galerietara eramateko ahalegina egin zuen Harrisonek 1970eko hamarkadan. Aktibismoa du Harrisonen lanak ardatz, eta testuinguru soziopolitikoari lotutako artea egin du hasiera hasieratik [1][2].

Gaur egun Harrisonek Estatu Batuetan eta Ingalaterran jarraitzen du lanean, eta hainbat herrialdetan egin ditu erakusketak.

2013an, Norther Art Prize saria irabazi zuen, elkarren artean lotutako ‘The Last Gaze’, ‘Objectiflection’ eta ‘Common Reflections’ hiru lanak barne hartzen zituen ‘Reflect’ instalazioarekin [3]. Urte horretan bertan, Paul Hamlyn Awards artistentzako sari ospetsuetako bat eskuratu zuen [4].

Azkuna Zentroak 'Sexu, klase eta indarkeriaren arteko harremanak' erakusketa izan zuen ikusgai, 2017ko urriaren 20tik 2018ko urtarrilaren 14ra arte, Xabier Arakistain komisarioaren eskutik [5]. Formatu handiko eta atzera begirako erakusketa honetan, artista britaniarraren karreran barrena ibilaldi zehatza burutu zen, 1971n jarri zuen banakako lehen erakusketaren erreprodukzioa abiaburutzat hartuta.

Erreferentziak[aldatu | aldatu iturburu kodea]

  1. Berria.eus «Artelanek indarkeria edertu ezin dutenean» Berria . Noiz kontsultatua: 2018-05-27.
  2. (Gaztelaniaz) El arte de las oprimidas . Noiz kontsultatua: 2018-05-27.
  3. (Ingelesez) «Pensioner wins modern art award» BBC News 2013-05-24 . Noiz kontsultatua: 2018-05-27.
  4. (Ingelesez) «Margaret Harrison | Paul Hamlyn Foundation» artists.phf.org.uk . Noiz kontsultatua: 2018-05-27.
  5. Azkuna Zentroa. Sexu, klase eta indarkeriaren arteko harremanak, . Noiz kontsultatua: 2018-05-27.

Kanpo loturak[aldatu | aldatu iturburu kodea]