Mary Ann Hilliard
| Mary Ann Hilliard | |
|---|---|
| Bizitza | |
| Jaiotza | Cork, 1860 |
| Herrialdea |  Britainia Handia eta Irlandako Erresuma Batua  Irlandako Errepublika |
| Heriotza | Wembley (en)  , 1950 (89/90 urte) |
| Jarduerak | |
| Jarduerak | sufragettea eta erizaina |
| Lan nabarmenak | ikusi
|
Mary Ann Hilliard (Cork, 1860-Wembley, 1950) erizain eta sufragista irlandarra zen. 1912ko martxoan atxilotu zuten, Women's Social and Political Union-en kristal-hauste kanpainan, eta, Hollowayko kartzelan espetxeratu zuten garaian, sufragisten zapia kolektiboki brodatzeko ekimena izan zuen, zeina askatu eta gero ere gorde baitzuen.
Biografia[aldatu | aldatu iturburu kodea]
Engaiamendu sufragista[aldatu | aldatu iturburu kodea]
Mary Ann Hilliard Corken jaio zen (Irlanda), 1860an, Bere gurasoak Margaret Duke eta Dominick Hilliard (kontularia) ziren, eta bi anaia eta ahizpa zituen.[1] “Minnie” izenez zen ezagun, eta Ingalaterran erizain-prestakuntza jaso zuen, 1876tik, eta Alexandra haurren ospitaleko (Bloomsbury, Londres) goi-mailako langile izan zen 1908an.
Hilliardek sufragistek egindako kristal-hauste kanpainan parte hartu zuen 1912ko martxoan, beste 200 manifestatzaile ingururekin, eta atxilotu eta lan behartuak egitera kondenatu zuten.
Sufragisten zapia[aldatu | aldatu iturburu kodea]
Hilliardek eta Women's Social and Political Union-eko (WSPU) beste hirurogeita zazpi sufragistek, Hollowayko kartzelan preso zituztela, beren izenak brodatu zituzten oihal batean, sufragisten zapi gisa ezagutzen dena.[2] Desafio-ekintza ausarta izan zen, emakumeak gertu-gertutik zaintzen zituzten espetxe batean, eta uste da Hilliardek eragin zuela, gerora ere gorde egin baitzuen presokideen oroitzapena.[3][4][5]
Besteak beste, hauexek izan ziren sinatzaileak: Eileen Mary Casey, Alice Davies, Edith Downing, Katharine Gatty, Margaret Macfarlane, Helen MacRae, Alice Maud Shipley, Frances Williams eta WSPUko kristal-hauste adierazpen masiboetan aitzindari ziren beste emakume batzuk.[3] Mary Hilliarden izena bera hari urdinez brodatua dago, "Vote for Women" (Botoa emakumeentzat) (berak brodatua izan liteke) eta "Holloway Prison, march 1912" tituluen eskuinean.[2]
Hilliardek British College of Nurses-i emateko asmoa izan zezakeen arren, 1942ko martxoan British Journal of Nursing-en arabera, 1950ean hil zen arte gorde zuen.[6]
Hilliard hil ondoren, ez dakigu non egon zen zapi bordatua; 1960ko hamarkadan agertu zen berriro bigarren eskuko gauzen merkatu batean.
Gerra garaiko eta gerraosteko engaiamendua[aldatu | aldatu iturburu kodea]
Hilliard gerra-erizaina zen Lehen Mundu Gerran, Alexandra erreginaren erizaintza zerbitzu militarrean, eta Italiako frontean lan egin zuen, presoak zaintzen. Bere osasuna okertu egin zen 1920ko hamarkadan, eta erizain gisa erretiratu zen Wembleyn (Londres) bizitzeko.[6]
1950ean hil zen. Haren hiletak Park Laneko eliza metodistan izan ziren, Wembleyn, eta Golders Green-en erraustu zuten.[6]
Erreferentziak[aldatu | aldatu iturburu kodea]
- Artikulu hau, osorik edo zatiren batean, {{{hizkuntza}}} Wikipediako «Mary Ann Hilliard» artikulutik itzuli da. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.
- ↑ «People Profiles» www.bearefamilytree.com.
- ↑ a b Sarah Hawkings. (5 February 2018). The Suffragette embroidery of 1912. .
- ↑ a b Priest House suffragette handkerchief. .
- ↑ «Marking Suffrage Day - remembering Frances Parker» Te Papa’s Blog 2016-09-18.
- ↑ «Prison embroidery by Suffragettes, 1905 - 1914» Selvedge Magazine.
- ↑ a b c «Genealogy» Elaine Beare.
Ikus, gainera[aldatu | aldatu iturburu kodea]
Kanpo estekak[aldatu | aldatu iturburu kodea]
- The Suffragette Handkerchief at the Priest House, West Hoathly, consulté le 19 juin 2023.
| Autoritate kontrola |
|
|---|
Datuak: Q79447197