Migel Lardizabal Uribe

Migel Lardizabal Uribe
Irudi gehiago
diputatu Espainiako Diputatuen Kongresuko diputatua
Bizitza
Jaiotza	Tepetitla de Lardizábal (udalerria), 1744ko urtarrilaren 24a
Herrialdea	Espainia
Heriotza	Bilbo, 1823ko urtarrilaren 29a (79 urte)
Hezkuntza
Heziketa	Valladolideko Unibertsitatea
Hizkuntzak	gaztelania
Jarduerak
Jarduerak	politikaria
Lantokia(k)	Madril

Miguel Lardizabal Uribe, gaztelaniaz Miguel de Lardizábal Uribe, (San Juan del Molino, Tepetitla de Lardizábal udala (Tlaxcala) 1744 – Bergara 1824, jatorri euskaldunekoa (familia Segurakoa zen) historialari, politikari eta idazle monarkiazalea izan zen. Haren omenez dute izena Lardizabala landare generoak eta Lardizabalaceae landare familiak.

Biografia

Mexikon jaioa, Pueblako Tepetitla de Lardizábalen, Filosofia eta Erretorika ikasi zituen. 1761an bere anaia Manuelekin batera, Espainiara joan zen non Geologia eta Historia ikasi zuen. 1791an Manuel Godoyk Euskal Herrira erbesteratu zuen; han Bergarako Errege Mintegiaren zuzendaria izendatu zuten. 1808ko uztailaren 23an Baionako Estatutua zin egin zuen. 1808an deserrira egoera kendu zioten eta geroztik Espainiako gortean kargu desberdinak izan zituen. Cadizko Gorteetan hartu zuen parte. Fernando VII errege absolutistaren defendatzaile sutsua, 1812an Ingalaterrara ihes egin zuen baina urte bat beranduago kargurik gabe gelditu zen eta Espainiara itzuli zen. 1814an Fernando VIIak Indietako ministro nagusia izandatu zuen baina 1815an erregearen konfidantza galdu zuen eta Iruñeko zitadelan espetxeratu zuten. Ondoren, berriro ere Bergarako Errege Mintegiaren zuzendaria izan zen. Hiri horretan hil zen 1823an.

Obra

• Apología por los Agotes de Navarra y los Chuetas de Mallorca (Madril, 1786)
• Apología del método de estudios del Seminario de Vergara (Gasteiz, 1806).
• Aviso importante y urgente a la nación española, relativo a Cortes (A Coruña, 1811).
• Manifiesto que hace a los habitantes de las Indias, sobe el estado de cosas de aquellas provincias (Madril, 1814).

Bibliografia

• José Luis Orella: "Manuel y Miguel de Lardizábal y Uribe y el Estatuto de Bayona". Eusko Ikaskuntzen Nazioarteko Aldizkaria. 4.koadernoa, 2009. ISBN: 978-84-8419-179-7. 233-254 or.
• Julio Zárate: "La Guerra de Independencia". Vicente Riva Palacio: México a través de los siglos, III.liburuki. Mexiko: Ballescá, 1884.

Kanpo loturak

• A. Gil Novalesek idatzitako biografia.

• Datuak: Q6015383
• Multimedia: Miguel Lardizábal (Goya) / Q6015383