Munduaren azken muturreko faroa

Wikipedia, Entziklopedia askea
Jump to navigation Jump to search
Munduaren azken muturreko faroa
Verne-majak-fronti.jpg
Lehen argitalpenaren azala.
Datuak
Idazlea Jules Verne
Argitaratze-data 1905
Generoa Abenturazko eleberria
Jatorrizko izenburua Le Phare du Bout du Monde
Hizkuntza frantsesa
Argitaletxea Pierre-Jules Hetzel Itzuli
Herrialdea  Frantzia
Ilustratzailea George Roux Itzuli
Bilduma Bidai harrigarriak
ISBN 978-1-58963-094-9
OCLC 51686954
Euskaraz
Izenburua Munduaren azken muturreko faroa
Itzultzailea Karlos Zabala
Argitaratze-data 1981
Bilduma Itzul saila
Orrialdeak 156
ISBN 9788485485840

Munduaren azken muturreko faroa (frantsesez "Le Phare du Bout du Monde") Jules Verne frantziar idazleak idatziriko abenturazko eleberri bat da. 1901ean Vernek eleberriaren lehenbiziko zirriborroa idatzi zuen, eta 1905ean jada hura hil zela Magasin d'Éducation et de Récréation aldizkarian atalka abuztuaren 15tik abenduaren 15a arte eta uztailaren 29an osoki bilduma batean argitaratu zen.

1981ean Karlos Zabalak euskarazko itzulpena Elkar argitaletxean argitaratu zuen.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Argentinako Patagoniako biztanlerik gabeko Estatuen uhartean, Hornos lurmuturratik hurbil, Ozeano Atlantikoa eta Ozeano Barearen urek bat egiten duten lekuan, Kongre zitala buru duen pirata taldea bizi da. Pirata hauek bertan hondoratu edo lurjotako ontziak erasotu ohi dituzte.

Argentinako Gobernuak inguru hartan itsasargia eraiki eta martxan jartzean (gaur egun Munduaren azken muturreko itsasargia deitua) piraten bizimodua desagertzeko arriskuan egongo da. Itsasargiak hiru zaindari ditu, piratek haietako bi hil eta hirugarrena haiengandik ezkututatzea lortu eta bizirik aterako da, Vázquez, zaindariburua. Hortik aurrera Vázquez ausartak urruneko leku isolatu honetan nola edo hala bizirik mantentzen saiatuko da, era berean gaizkile taldeen gaiztakeriak amaitzeko modua topatu beharko du.

Gerora, John Davisek, eskoziar jatorriko estatubatuar naufragoa, Vázquezi piraten aurkako borrokan lagunduko dio.

Pertsonaiak[aldatu | aldatu iturburu kodea]

  • Vázquez: argentinarra, 47 urte, itsasargizain burua.
  • Felipe: argentinarra, 40 urte, itsasargizaina.
  • Moriz: argentinarra, 37 urte, itsasargizaina.
  • John Davis:estatubatuarra, Century ontziko naufragoa, Vázquezen adiskidea.
  • Kongre: jatorri ezezaguna, Estatuen uhartean ezarritako hamabost piratez osatutako taldearen buruzagia.
  • Carcante: txiletarra, taldeko bigarrena agintean.
  • Vargas: txiletarra, taldeko arotza.
  • Lafayette: argentinarra, Santa Fe ontziko kapitaina.
  • Riegal: argentinarra, Santa Fe ontziko bigarrena agintean.

Zinema[aldatu | aldatu iturburu kodea]

1971n eleberrian oinarrituako The Light at the Edge of the World filma oinarritu zen, Kevin Billingtonek zuzendu eta Yul Brynner, Kirk Douglas, Samantha Eggar eta Fernando Rey aktoreek antzeztua.

Ikus, gainera[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Munduaren azken muturreko faroa Aldatu lotura Wikidatan