Murchison meteorito

Wikipedia, Entziklopedia askea
Jump to navigation Jump to search
Murchison meteoritoaren pusketa bat Washington-go Historia Naturalaren museoan

Murchison meteoritoa 1969an Australiako Murchison herrian erori zen meteoritoa da, ospetsu bihurtu zena hainbat aminoazido eta konposatu organiko edukitzeagatik (biziaren funtsezko molekulak).

Kondrita karbonatoduna da meteorito hau, hots, karbono duena. Besteak beste, glizina, alanina eta azido glutamiko aminoazidoak zituela egiaztatu zuten zientzialariek, eta D eta L aminoazidoak zeudela ere bai (izaki bizidunen aminoazido guztiak L motakoak dira). Meteoritoan agertzen ziren aminoazido horiek estralurtarrak ziren, zientzialariek baztertu baitzuten Lurreko kutsaduraren ondorioz agertu zirenik [1].

Azpimarratzekoa da meteorito honen pusketetan aurkitu diren konposatu organiko ugari (aminoazidoak, base nitrogenatuak...) sortzen direla ere Miller eta Urey-ren esperimentua egiterakoan. Beraz, oso litekeena da konposatu horiek Lurretik kanpo sortuak izatea, eguzki-sistemaren planetarteko espazioan [2] [3].

Panspermiaren aldekoentzat Murchison meteoritoak agerian jartzen du posible dela Lurrean bizia meteorito hauetako baten bidez sortua izatea.

Erreferentziak[aldatu | aldatu iturburu kodea]

  1. Kvenvolden, Keith A.; Lawless, James; Pering, Katherine; Peterson, Etta; Flores, Jose Evidence for extraterrestrial amino-acids and hydrocarbons in the Murchison meteorite Nature, 228, 5275 (1970) 923-926 orr.
  2. Martins, Zita; Botta, Oliver; Fogel, Marilyn L.; Sephton, Mark A.; Glavin, Daniel P Extraterrestrial nucleobases in the Murchison meteorite(PDF) Earth and Planetary Science Letters, 270, 20-03-2008, 130–136 orr.
  3. Wolman, Yecheskel; Haverland, William J.; Miller, Stanley L. Nonprotein Amino Acids from Spark Discharges and Their Comparison with the Murchison meteorite Amino Acids Proc. Natl. Acad. Sci. USA, 69, 4, abril 1972, 809–811 orr.